Kisah Para Rasul 9:11 - En Taar Weru a nunuwu' é Tontemboan

¹¹ Icua i Casuruan, “Mangéo ko am balé i esa tou makangaran Yudas. Em baléna an Lalan Rondor. Pangéréno si esa tou makangaran Saulus si an Tarsus owo. Sia ang karoro'an i masombayang,

Kisah Para Rasul 9:11 ပူးပေါင်းရင်းမြစ်များ

Yohanes 4:10

Isowat i Yesus ai sia, “Sa raké' woo kailekan i inang sapa si casalé' iwéé i Amang Kasuruan wo makailek si séi réén Aku si mangilek woo elepen, tantu si inang mangilek oka a Yaku, wo iwéé-Ku oka a si inang en dano si mawéé ing katouan.”

Kisah Para Rasul 11:13

Wo isisilna ai cami tambisa sia isuméré si malaékat makutulung am baléna. Si malaékat itu icumua ai sia in tana'i, ‘Ru'du'o piraan tou mangé an Yope en sumungkul si Simon si pengatuulen Petrus.

Kisah Para Rasul 11:25

Kekawus in itu si Barnabas tumela'u in Antiokhia wo mangé an Tarsus e mangéré si Saulus.

Kisah Para Rasul 2:21

Wo si séi e mekiupus a si Casuruan, isia itu lowiren oka.’

Kisah Para Rasul 21:39

Isowat i Paulus, “Ra'ica é tuang. Yaku tou Yahudi, an Tarsus owo, kota si kailekano keli ang Kilikia. Pangilekenku wosama' aku ro'na rumoma' a sé tou keli itu.”

Kisah Para Rasul 22:3

“Yaku tou Yahudi, itumou an Tarsus an tana' Kilikia, taan imawangko' an Yerusalem anio'. Si guruku makangaran Gamaliel. Yaku sinusuianna in sama' andumoro' in ukum Torat si aiwéé i Musa a sé apo-apo'ta. Pakasa en atoran i Amang Kasuruan itu pengaémaanku waya tanu ka'i im pengaémaan iow intarépé'.

Kisah Para Rasul 8:22

Anaé, mape'diso mangé ang kaléwo-léwo'anmu wo sumombayango mangé a si Casuruan wosama' ampungan-Na mai em paaté-aténmu léwo' itu.

Kisah Para Rasul 8:26

Asi makasa, si esa malaékat i Amang Kasuruan rumu'du' si Filipus, “Maya'o méko. Kumiito in lalan an Yerusalem owo maperos éko ang Gaza.” Si lalan itu lulu in tou.

Kisah Para Rasul 9:30

An tutuw kailekan é poo-poow esa paémanen a si Yesus andumoro' im pawasa-wasan é tou itu, wo iwali éra si Saulus akar ang Kaisarea, wo tumawang sia e mangé an Tarsus.