Kisah Para Rasul 9:10 - En Taar Weru a nunuwu' é Tontemboan

¹⁰ An Damsyik awéan si esa tou si mercaya in sususuien i Yesus, sia makangaran Ananias. Si Casuruan mapaturu' ai sia wo numuwu', “Ananias!” Wo isowatna, “Én, yaku en anio' é Tuang!”

Kisah Para Rasul 9:10 ပူးပေါင်းရင်းမြစ်များ

Kisah Para Rasul 10:3

Asi makasa, wona' jam tiga im bawaando an oras i masombayang, si Kornelius pinapaturu'an am baléna. Asi témpo itu, kaséréanna wutul si esa malaékat i Amang Kasuruan imai ai sia wo tumowa, “Kornelius!”

Kisah Para Rasul 11:5

“Asi sangando ang kota Yope, an tutuwku masombayang, tumarépé'anke'mai aku pinapaturu'an i Amang Kasuruan. Kaséréanku awéan tanu esa kaéng welar itumumpamai an langit owo, epat ruuna ing kaéng itu wina'kes in tali wo makawérén akar an diorku.

Kisah Para Rasul 12:9

Wo si Petrus kumiit si malaékat eng kumesot am bui. Asi témpo itu, pawerotenna en itu asalo aipapaturu' wo ra'ica kailekanna sa si malaékat itu uli-ulit makawali sia kumesot am bui.

Kisah Para Rasul 16:10

Kekawusai i Paulus suméré im pinapaturu'an itu, kala'usen ami i musé' wo tumu'tul e maangé a Makedonia, ampa'paan am pinapaturu'an itu kami tinowao i Amang Kasuruan eng kumua in Abar Kaaruien andumoro i Yesus Kristus a sé tou a mangé mbitu.

Kisah Para Rasul 16:9

Mawengi mai, si Paulus pinapaturu'an i Amang Kasuruan. Asi pinapaturu'an itu sérénna, awéan esa tou an sangkum i Makedonia makatulung wo mekiupus ai sia, “Mayoo am bia'i wo tawangenai kami!”

Kisah Para Rasul 18:9

Asi sanga wengi, si Paulus pinapaturu'an. Am pinapaturu'an itu, si Casuruan kumua ai sia, “Tioo ko maindé'! Lala'uso eng kumua in taar i Amang Kasuruan ai séra tioo makapeneske'.

Kisah Para Rasul 2:17

‘Asi endo-endo kaka'puan, itumpa-Ku oka e Roh-Ku a sé pakasa in tou. Sé toyaang iow tuama wo wéwéné kumua oka i nunuwuun-Ku a sé tou. Sé mangalitou wo mangala'un makéré oka papaturu'an wo sé matu'a makéré oka pangipin.

Kisah Para Rasul 22:12

An Damsyik, awéan si esa tou, makangaran Ananias. Sia le'tek makiit in ukum Torat. Wo pakasa sé tou Yahudi am bitu, makailek sa sia tou sama'.

Kisah Para Rasul 9:12

wo pinapaturu'ano. Am pinapaturu'an itu, sia suméré si esa tuama makangaran Ananias mai ai sia wo maro oka ing kama am bawo in do'kosna wosama' sia ro'na suméré sumawel.”

Kisah Para Rasul 9:9

Telu ngando eng kauréna sia mawola wo ra'ica icuman wo imelep.

2 Korintus 11:32

An tutuwku ang kota Damsyik, si gubernur si niangkai i colano Aretas masalé' tumangka' yaku wo irumu'du' sé suraro en tuméir im papalen ing kota itu.

Galatia 1:17

Yaku ka'i ra'ica mangé an Yerusalem e meta'- up wo sé tou en diorai mamuali ruru'du'an wo yaku. Taan aku mangéke' an tana' Arab, wo am bitu oka aku maréng sumawel ka'i an Damsyik.