Kisah Para Rasul 8:39 - En Taar Weru a nunuwu' é Tontemboan

³⁹ An tutuw éra in dua kumesotai an dano, tumarépé'anke'mai iwali i Roh i Amang Kasuruan si Filipus wo sia ra'io kaséréan i kikiiten itu. Wo si kikiiten itu lumala'us im bawayaanna ang karapi in arui.

Kisah Para Rasul 8:39 ပူးပေါင်းရင်းမြစ်များ

Matius 13:44

“Eng Kakolanoan in Sorga ayandé tanu ing kasiyaan si pakaenep an untep in tana' si kinéréan i tou, wo yenepna ka'i sumawel an untep in tana' itu. Ampa'paano ing kaaruianna, mangéna iwangkér waya eng kasiyaanna wo en tana' itu telesanna.

Matius 3:16

Kumawusai nibaptis, si Yesus makala'us kumesot an dano wo asi témpo ituke' en langit mawuka' wo kaséréan-Na e Roh i Amang Kasuruan tanuoka mombo tumumpa mai ai Sia.

Markus 1:10

Kekesotai i Yesus an dano, makala'us sérén-Na mangé en langit mawuka' wo e Roh i Amang Kasuruan si tanuoka mombo, tumumpa mai ai Sia.

Kisah Para Rasul 13:52

Taan sé murit an Antiokhia arui keli wo séra ka'i kinawasa i Roh Le'nas.

Kisah Para Rasul 16:34

Kekawus in itu, séra in dua iwali i capala im bui mangé am baléna wo séra wéanna kanen. Sia wo sé am baléna arui keli ampa'paan séra im baya maémano a si Amang Kasuruan.

Kisah Para Rasul 8:29

Wo icua i Roh Le'nas a si Filipus, “Rumuruo mangé ang keréta itu!”

Kisah Para Rasul 8:38

Wo iru'du' i kikiiten itu yento' eng keréta wo séra in dua tumumpa an dano wo sia baptisen i Filipus.

Kisah Para Rasul 8:8

Ampa'paano in itu, sé tou ang kota itu maaru-arui.

Roma 5:2

Wo ampa'paan kita maéman a si Yesus, kita imakéré in upus aitambér i Amang Kasuruan. Wo ampa'paan in upus aitambér ituo kita menonou intarépé'. Wo kita maaru-arui ampa'paan makaanu im paarapen sapaoka kita makéré oka bagéan a rarayo wo in sisiri' asi Amang Kasuruan owo.

Filipi 3:3

Taan icitao sé tou wutu-wutul sinunat, ra'ica iséra. Ampa'paan icitao sé tou mengaapo' a si Amang Kasuruan si pakaakinen i Roh-Na, wo mengatirayo ampa'paan meesa wo si Kristus Yesus, wo ra'ica mengamangén a si sapa sé kaséréan tanumai atoran in sunat.

Filipi 4:4

Maaru-aruio mangé ampa'paan kamu meesao wo si Apo' Yesus! Makasapé' icuaku, maaru-aruio mangé!

Yakobus 4:16

Taan em pakanuwu' miow taloso taré tirayo e mengaangkai in owak iow in esa. Em pakanuwu' tanu siitu suméa'.