Kisah Para Rasul 8:36 - En Taar Weru a nunuwu' é Tontemboan

³⁶ Séra lumala'us i bawayaan wo séra icateka' an esa tampa awéan rano. Icua i kikiiten itu a si Filipus, “Sérénmu, am bitu awéan rano! Tambisa, ro'nao réén aku baptisenmu?” [

Kisah Para Rasul 8:36 ပူးပေါင်းရင်းမြစ်များ

Matius 3:11

Baptisenku kamu ang karapi in dano, tanu tuus mape'diso ang kamesé-meséaan. Taan kekawus yaku, awéan si esa tou e maai, eng kawasa-Na lumébé mai wo yaku akar maalike' in sapatu-Na aku ra'ica patus. Baptisen-Na oka kamu ang karapi i Roh Le'nas wo in api.

Matius 3:6

Séra mai mangaku ing kamesé-meséaan éra, wo baptisen i Yohanes séra an doyongan Yordan.

Yohanes 3:23

An tutuw itu, nibaptis ka'i i Yohanes Mabaptis sé tou an doong Ainon an duru in Salim, ampa'paan am bitu keli en dano. Sé tou mai am bitu im baptisen.

Yohanes 3:5

Isowat i Yesus, “En ulitna icua-Ku mangé ai co, sa si tou ra'ica touen sumawel an dano wo e Roh i Amang Kasuruan, sia ra'ica muntep ang Kakolanoan i Amang Kasuruan.

Kisah Para Rasul 10:47

“Sinéréo miow in esa! Sé tou itu tumerimao i Roh Le'nas tanu cita tou Yahudi. Anaé, intarépé', ra'ica wana tou e ro'na méro iséra im baptisen maké in dano.”

Kisah Para Rasul 8:37

Wo isowat i Filipus, “Sa si tuang maéman a si Yesus Kristus ang karapi in lekep en até, ro'nao baptisen.” Isowat i kikiiten itu, “Yaku wutu-wutul maéman sa si Yesus Kristus itu Toyaang i Amang Kasuruan.”]

1 Yohanes 5:6

Si Yesus Kristus imayo ang kayo'baan ang karapi in dano ipabaptis-Na wo in enda' im papaté-Na. Sia maai ra'ica ang karapi in danoke', taan ang karapi in dano wo in enda'. Wo e Roh i Casuruan in esa e méé kasairian sapaoka pakasa en itu wutul.