Kisah Para Rasul 8:31 - En Taar Weru a nunuwu' é Tontemboan

³¹ Isowatna, “Tumambisa aku ro'na makailek sa ra'ica wana tou en sumusui a yaku.” Wo pekiupusenna si Filipus sumaké ang keréta itu wo lumukut an duruna.

Kisah Para Rasul 8:31 ပူးပေါင်းရင်းမြစ်များ

Markus 10:15

En ulitna icua-Ku mangé ai camu, si séi si ra'ica sumungkul ing Kakolanoan i Amang Kasuruan tanu sé toyaang teké' anio', sia ra'ica kawisa muntep ang Kakolanoan-Na.”

Kisah Para Rasul 8:30

Si Filipus makala'us rumuru mangé ang keréta wo linganna si kikiiten itu mengabaca ing kitap i nabi Yesaya. Wo icua i Filipus ai sia, “Kailekan réén i tuang sapa em pabacan i tuang?”

Kisah Para Rasul 8:32

Sé nats binaca i kikiiten itu tana'i, “Sia paalin tanuoka maali si domba mangé pokolen. Sia ka'i asalo i makapenes ra'io rumoma' mai in sapa-sapa tanuoka si ana' i domba pakuntingan im buuk.

Roma 10:14

Taan tambisa sé tou ro'na mekiupus ai Sia, sa séra ra'ipé' maéman ai Sia? Wo tambisa sé tou ro'na maéman ai Sia, sa séra ra'ipé' kawisa luminga in andumoro' Sia? Wo tambisa sé tou ro'na luminga in andumoro' Sia, sa ra'ica wana tou e mangé kumua ai séra in andumoro' Sia?

1 Korintus 3:18

Sa kamu mengawerot in owak iow awéan kapinteran, kamu imuwako in owak iow in esa, ampa'paan eng kapinteran papakén iow itu asalo makiit im pakawerot é tou ang kayo'baan wo eng kapinteran ituo e modok icamu. Aweso taré kamu ra'ica mapaké ing kapinteran makiit im pakawerot ing kayo'baan wosama' an dior i Amang Kasuruan kamu uli-ulit awéan kapinteran.

1 Korintus 8:2

Sa awéan tou mawerot sapaoka sia kelio eng kailekan, en ulitna sia itu keliané sé ra'ipé' kailekanna si musti kailekanna.

Yakobus 1:10

Wo si tou siya' esa paémanen a si Yesus, sia ka'i musti tumirayo sa émaan i Casuruan sia mamuali tou wawa', ampa'paan si tou siya' maka'pu oka kaputé im bungang in dukut maweles rior.

Yakobus 1:21

Anaé, itiya'o waya sé ra'ica wutul wo ka'i mentoo mengéma-ngéma' ing kaléwo'an' sé taloso keli itu. Terimano mangé en Taar i Casuruan ang karapi ing ko'kos en até. En Taar si ayusew an até miow awéan kawasa en lumowir icamu.