Kisah Para Rasul 8:30 - En Taar Weru a nunuwu' é Tontemboan

³⁰ Si Filipus makala'us rumuru mangé ang keréta wo linganna si kikiiten itu mengabaca ing kitap i nabi Yesaya. Wo icua i Filipus ai sia, “Kailekan réén i tuang sapa em pabacan i tuang?”

Kisah Para Rasul 8:30 ပူးပေါင်းရင်းမြစ်များ

Matius 13:19

En lulumbo sé irumongkor an tembir in lalan meputé wo sé tou luminga in taar andumoro' ing Kakolanoan in Sorga, taan ra'ica kaangéan éra. Wo mai si kikiiten é sétang mandét in taar itu si an untep in até éra.

Matius 13:23

Wo en lulumbo sé rumongkor an tana' kemel meputé wo sé tou iluminga in taar wo kaangéan éra. Séra méé wua'na, awéan e méé wua'na sangaatus lumepet, awéan sé enem ngapulu' lumepet, wo awéan sé telu ngapulu' lumepet.”

Matius 13:51

Kaangéan iow waya sé andéan itu?” Isowat é murit-Na, “Én é Guru kaangéan ami.”

Matius 15:10

Wo towan i Yesus sé tou keli wo kumua ai séra,

Matius 24:15

“Anaé, sa sérén iow si esa tou luméwo-léwo' makatulung asi tampa le'nas, tanu in aipatico i nabi Daniel. [Si séi e maca in anio' wéanio' rékén sumama-sama'! ]

Markus 13:14

Icua i Yesus, “Sa sérén iow si tou luméwo-léwo' makatulung asi tampa ra'ica patus ai sia[Si séi e maca in anio', wéanio' rékén sumama-sama', lébé loor sé tou an Yudea musti tumincas angé ang kuntu-kuntung.]

Yohanes 4:34

Icua i Yesus ai séra, “Eng kakanen-Ku mengaéma' ing kasalé'an i Amang Kasuruan si mutusai Aku wo lumekep in tawoien si aiwéé-Na a Yaku.

Yohanes 5:39

Eng Kitap Le'nas pengati'tiren iow in sumama-sama' ampa'paan paweroten iow ang karapi imaéma' in taniitu kamu makéré oka ing katouan akar ing kauré-uré uré. Wo an untep ing Kitap Le'nas itu awéan aipatic andumoro' si séi Aku en ulitna,

Kisah Para Rasul 8:27

Kelinga in itu, si Filipus makala'us maya'. An uner im bawayaan, sérénna awéan esa tou kikiiten an Etiopia owo si maurus ing kasiyaan i Kandake si ratu an Etiopia. Si kikiiten itu makalekepé' maapo' an Yerusalem,

Kisah Para Rasul 8:29

Wo icua i Roh Le'nas a si Filipus, “Rumuruo mangé ang keréta itu!”

Kisah Para Rasul 8:31

Isowatna, “Tumambisa aku ro'na makailek sa ra'ica wana tou en sumusui a yaku.” Wo pekiupusenna si Filipus sumaké ang keréta itu wo lumukut an duruna.

Kisah Para Rasul 8:5

Esaan ai séra itu si Filipus. Sia mangé an esa kota an Samaria wo kumua in andumoro' i Mesias.

1 Korintus 14:19

Taan am pali'usan i maapo' a si Amang Kasuruan, casalé'ku keli makua lima nuwu' sé ro'na ka- angéan é tou, wotaré mapaké mariwu-riwu nuwu' a nunuwu' i Roh. Lébé icasalé'ku taniitu wosama' ro'na susuianku sé tou.

Efesus 5:17

Ampa'paan in itu tioo mamuali tou bodok, taan rumaméjio mangé makailek sapa si casalé' i Casuruan.

Wahyu 13:18

Si penting am bia'i en tou musti awéan kapinteran asi Amang Kasuruan owo. Sé tou sé awéan kapinteran ro'na rumékén i nomor i binatang itu, ampa'paan e nomor itu nomor i esa tou. Wo e nomor itu enem ngaatus enem ngapulu' enem.