Kisah Para Rasul 8:23 - En Taar Weru a nunuwu' é Tontemboan

²³ Ampa'paan pakasérénku ka'i ko kokanat keli wo en atému pakakawasan ing kaléwo-léwo'an.”

Kisah Para Rasul 8:23 ပူးပေါင်းရင်းမြစ်များ

Yohanes 8:34

Icua i Yesus ai séra, “En ulitna icua-Ku mangé ai camu, si esa wo si esa tou sé mengaéma' ing kamesé-meséaan, sia itu mamuali ata ing kamesé-meséaan.

Efesus 4:31

Itela'uo mio' eng kasuutan, kae'bowan akar ing karangoan, kae'bowan, meindo-indoan roma', mengawuruk i ngaran é tou, taniitu ka'i mai pakasa sé léwo'.

Titus 3:3

Kailekanmu é Titus, indior kita ra'ipé' makailek sapa-sapa. Ampa'paan in itu kita ra'ica le'tek a si Amang Kasuruan, icasélé'kow wo kinatawéranke' mengaéma' in léwo', kita mamuali ata ing kasalé'an ing kayo'baan si asalo maarui in owak in esa, kita menonou mengéma-ngéma'ke' in léwo', kokanat a sé tou walina, bengis, mengkasuutan asi esa wo sé walina.

Ibrani 12:15

Mareti-retio mangé oréoka awéan esaan ai camu kumélong in upus aitambér i Amang Kasuruan. Ampa'paan sa awéan tou tanu siitu, sia mamuali tanu in tinanem racung an uner iow akar méma' ing kasusaan wo en racungna luméwo' sé tou keli.

2 Petrus 2:19

Sé guru ra'ica wutul itu jumanji sapaoka sa kiiten é tou en sususuien éra itu, sé tou itu ra'ica kawasan in atoran-atoran wo ro'na méma' sapake' sé icasalé' éra. Taan sé guru ra'ica wutul itu, séra in esa meputé wo sé ata' ampa'paan séra kinawasa ing kasalé'an in owak si léwo'. Si séi eng kinala i tou icumawasa, sia imamualio ata asi tou icumawasa itu.

2 Petrus 2:4

Sé malaékat indior sé mengaéma' ing kamesé-meséaan ra'ica ampungan i Amang Kasuruan, taan iténdél-Na séra an api si ra'ica mape'de-pe'del akar ing kauré-uré. Séra yuntep ang kepal rarem wo riréimbeng en se'sek am bitu akar asi endo Sia mai makim pakasa in tou.