Kisah Para Rasul 8:20 - En Taar Weru a nunuwu' é Tontemboan

²⁰ Taan icua i Petrus ai sia, “Icawangkuro ko ang karapi in doitmu itu. Pawerotenmu réén ro'na telesanmu in doit eng kamang aitambér i Amang Kasuruan.

Kisah Para Rasul 8:20 ပူးပေါင်းရင်းမြစ်များ

Matius 10:8

Samaano mangé sé tou sumakit, toueno sé tou imatéo, samaano mangé sé tou kusta wo yuséro sé sétang asé tou. Tinerimao miow waya en itu si asaloke' aitambér, ampa'paan in itu itambéro ka'i mangé en itu a sé tou walina.

Matius 15:19

Ampa'paan an até owo lumembo mai waya em bewerot léwo', mengapaté tou, mengasina, mengacabul, mengarombit, mengasairi in towo wo mengaojat.

Kisah Para Rasul 1:18

Si Yudas ituo en tumerima in doit laasa eng kumianat si Yesus wo en doit itu pinakéna in tumeles tana'. An tana' ituo sia icarepa wo en tina'ina imakése' akar pakasa sé an untep in tina'ina icakesot.

Kisah Para Rasul 10:45

Am bitu awéan ka'i sé tou sinunato sé maéman a si Yesus sé icumiitai si Petrus an Yope owo. Séra mangaya-ngaya'ka' an tutuw séra suméré si Amang Kasuruan tumambérai i Roh Le'nas a sé tou ra'ica Yahudi.

Kisah Para Rasul 11:17

Si Amang Kasuruan in esao en tumambérai i Roh Le'nas a sé tou ra'ica Yahudi itu, tanu ka'i si aiwéé-Nao ai cita an tutuwta imaémano a si Apo' Yesus Kristus. Anaé, si séi réén aku anio' akar ro'na sumémpér im pawasan i Amang Kasuruan?”

Kisah Para Rasul 2:38

Isowat i Petrus ai séra, “Mape'diso wo terimano em baptisan a ngaran i Yesus Kristus wosama' eng kamesé-meséaan iow ampungan oka. Wo in taniitu teriman oka miow en tatambér-Na, siituo si Roh Le'nas.

Kisah Para Rasul 8:19

Icuana, “Tuang-tuang, wéanai aku kawasa itu wosama' sa aku maro ing kama a si esa tou, si tou itu ro'na tumerima i Roh Le'nas.”

Kisah Para Rasul 8:22

Anaé, mape'diso mangé ang kaléwo-léwo'anmu wo sumombayango mangé a si Casuruan wosama' ampungan-Na mai em paaté-aténmu léwo' itu.

1 Timotius 6:9

Taan sé tou sé masalé' masiya', séra itu sé taporak katawéran méma' ing kaléwo'an ampa'paan séra kinawasao ing kasalé'an in owak. Eng kasalé'an in owak éra itu ra'ica wana torona wo méma'ke' taré séra mawendu. Eng kasiwakanna sé tou masalé' masiya', séra katawéran méma' ing kaléwo-léwo'an. Anaé, niéma'o éra in esa en owak icawangkur, en itu puté séra kinata'kongano.

Yakobus 5:3

Mas wo em pérak iow tuma'incéré'o. En ta'incéré' ituo e imamuali tuus sapaoka kamu asalo i meruu-ruut ing kasiyaan. Ta'incéré' itu oka eng kuman in owak iow tanuoka in api tumunu in owak iow. Icamuo sé meruu-ruut ing kasiyaan asi endo-endo kaka'puan ing kayo'baan.

Wahyu 18:15

Sé mawangkér sé masiya'o ampa'paan sia, séra tumulung oka an tayang ampa'paan maindé' tenan in okoi si meputé wo in tinerimana. Séra maamé' wo mala'lu,