Kisah Para Rasul 8:10 - En Taar Weru a nunuwu' é Tontemboan

¹⁰ Pakasa in tou, wangkoo kuma'pa' teké'pé' sé mengakiit si Simon masihir itu, séra makua, “Si tou anio' awéan kawasa asi Amang Kasuruan si kawasa pengatuulen ing Kawasa Wangko'.”

Kisah Para Rasul 8:10 ပူးပေါင်းရင်းမြစ်များ

Kisah Para Rasul 14:11

An tutuw sérén é tou keli sapa e niéma' i Paulus, séra makala'us mangko' maké i nunuwu' é Likaonia, “Sé opo-opo' itumumpao mai an unerta meputé tou!”

Kisah Para Rasul 28:6

Wo paweroten éra eng kamana sumega kuma'pa tumarépé'anke'mai sia icarepa wo maté. Uréo pengento-ngentoon éra sapa e mamuali ai sia, taan sérén éra, sia ra'ica sapa-sapa, ampa'paan in ituo paweroten éra sapaoka sia itu opo'.

1 Korintus 1:24

Taan sé tou tinowao i Amang Kasuruan, tou Yahudi kuma'pa ra'ica Yahudi, séra ro'na makailek andumoro' ing kawasa i Amang Kasuruan wo eng kapinteran-Na, asi abar i Kristus itu.

2 Korintus 11:19

Ampa'paan kamu talesen masaru sé tou bodok, kamu tumalosoo taré eng kapinter!

Efesus 4:14

Wo in taniitu, kita ra'io ka'i kaputé é toyaang sé taporakké' pauwaken wo ipawali-walipé' i membam-balinaan sususuien é tou sé ra'ica wutul. Séra mengasélé'kow sé tou ang karapi in sususuien sé mengauwak.

2 Petrus 2:2

Wo kelian sé tou kumiit oka ing katouan é guru ra'ica wutul itu sé makiit ing kasalé'an in owak sé ra'ica loor. Wo ampa'paano sé pinengaéma' éra itu, kelian tou mojat oka in sususuien wutul i Amang Kasuruan.

Wahyu 13:3

Wo esaan asé ro'kos i binatang itu kaséréan awéan kalat im péla' si misioka makawali sia am papaté. Taan em péla' itu imasama'o. Pakasa en tou ang kayo'baan mangaya-ngaya'ka' wo kiiten éra si binatang itu.