Kisah Para Rasul 7:8 - En Taar Weru a nunuwu' é Tontemboan

⁸ Wo keteren i Amang Kasuruan en janji-Na wo si Abraham ang karapi i rumu'du' sia en sumunat pakasa sé tuama asé taranakna. Anaé, an tutuw sia makéré toyaang si Ishak wo sunatenna si toyaang itu asi endo kawalu. Wo an tutuw si Ishak makéré toyaang si makangaran Yakub, émaanna ka'i sia tanu siitu. Si Yakub ka'i méma' in taniitu a sé sangapulu' rua toyaangna. Sérao sé metuari anio' mamuali apo'ta.

Kisah Para Rasul 7:8 ပူးပေါင်းရင်းမြစ်များ

Matius 1:2

Si Abraham makatoyaang, si Ishak. Si Ishak makatoyaang ngaranna Yakub. Wo si Yakub makatoyaang ngaranna Yehuda wo sé metuari wo sia.

Yohanes 7:22

Taan icamu in esa ka'i mengatawoi asi endo Sabat, ampa'paan kamu masunat sé tou kumiit in atoran sunat si aiwéé i nabi Musa. (Taan em butulna en sunat itu ra'ica atoran i Musa, taan mai ang kanaramen é apo-apo'ta Abraham, Ishak wo si Yakub.)

Kisah Para Rasul 2:29

Poo-poow, icuaku ai camu ang karapi im butul andumoro' si Daud, si apo'ta. Si aicuana itu, ra'ica andumoro' in owakna in esa ampa'paan sia in esa imatéo wo aicuburo, wo eng kuburna awéané' akar intarépé' asi kota anio'.

Roma 4:10

Sa taniitu, kawisa réén si Abraham nianggap wutul i Amang Kasuruan? An tutuw sia ra'ipé' sinunat kuma'pa sinunato? Tantu karu' an tutuw sia ra'ipé' sinunat.

Galatia 3:15

Poo-poow, wéanku oka esa paandéan asi kanaramen é tou ang katouan susur in endo. Sa awéan tou méma' esa perjanjian, wo em perjanjian itu pinusé'o, ra'io toro batalen kuma'pa awesan i esa tou sapake' a si perjanjian itu.

Galatia 3:17

Em peangé-angénku tana'i: En janji niéma' i Amang Kasuruan a si Abraham indior pinusé'o an tutuw en ukum Torat ra'ipé' wana. Ampa'paan en ukum Torat niéma' oka asi epat ngaatus telu ngapulu' ngata'un kekawusai in itu. Ampa'paano in itu en janji i Amang Kasuruan a si Abraham ra'ica toro batalen kuma'pa roban in ukum Torat.

Ibrani 7:4

Anaé, ro'na kaséréanta am bia'i sapaoka si Melkisedek anio' tou penting keli akar si Abraham apo'ta iméé ai sia sangapepulu' asé sapake' sé kinaandétan am paperangan.