Kisah Para Rasul 7:60 - En Taar Weru a nunuwu' é Tontemboan

⁶⁰ Sia kumundu wo maangko', “O Apo' Yesus, tioo ukumen séra ampa'paan i méma' ing kamesé-meséaan anio'!” Kekawusna kumua in taniitu, sia maté.

Kisah Para Rasul 7:60 ပူးပေါင်းရင်းမြစ်များ

Matius 27:52

Eng kubu-kubur mawuka' wo kelian tou le'nas sé imatéo tinou sumawel.

Matius 5:44

Taan icua-Ku mangé ai camu, icaupuso mangé sé kaséké' miow wo isombayango mangé sé mengaokoi icamu.

Lukas 22:41

Wo Sia tumayang angé toyo' ai séra, eng katayangna tanu wona' ing katayang é tou sa mangkil im batu. Wo Sia kumundu wo sumombayang, icua-Na,

Lukas 23:34

Wo si Yesus sumombayang, “O Amang, ampunganai séra, ampa'paan ra'ica kailekan éra sapa em pengaémaan éra.” Wo pewéténgen éra eng karai i Yesus ang kerapi in lumotréi.

Lukas 6:28

Ipangileko mangé kamang torona é tou sé icumutuk icamu wo isombayango mangé ka'i sé tou mengawa'ba' icamu.

Yohanes 11:11

Kumawus in itu icua-Na ai séra, “Si poowta Lazarus itu kinakili'an, taan mangé-Ku oka polon sia.”

Kisah Para Rasul 13:36

E nunuwu' itu ra'ica andumoro' i Daud, ampa'paan kekawus sia sumelewir si Amang Kasuruan ang katouanna sia maté, wo aicubur an duru é apo-apo'na, wo e mayatna mawuruk.

Kisah Para Rasul 20:36

Kumawus ako kumua in taniitu, si Paulus kumundu wo sumombayang mewali-wali wo iséra im baya.

Kisah Para Rasul 21:5

Taan ampa'paan maka'puo en témpo ami mento' am bitu, kami lumala'uso im bawayaan ami. Pakasa en tou maéman wo sé penanaan wo sé toyaang éra, makawali icami akar ang kesot ing kota. An tutuw ami icateka'o mangé an tembir in ta'sic, kami im baya kumundu wo sumombayang.

Kisah Para Rasul 9:40

Taan iru'du' i Petrus pakasa séra kumesot. Kumawus in itu sia kumundu wo sumombayang, wo sérénna e mayat wo icuana, “Tabita, tumooro!” Wo si Tabita muka' im beren. Keséréna si Petrus, sia tumoor wo lumukut.

1 Korintus 11:30

Ampa'paano in itu, kelian tou an jamaat iow sumakit wo lembi wo awéan ka'i sé imaté.

1 Korintus 15:18

Wo sa si Kristus ra'ica tinou sumawel, tantu sé tou maémano a si Kristus sé imatéo, ra'ica malowir.

1 Korintus 15:20

Taan en ulitna sapaoka si Kristus tinouo sumawel an uner é tou imatéo. Siao eng kumataré-taré tinou sumawel, taniitu ka'i sé tou maéman sé imatéo, touen oka ka'i sumawel.

1 Korintus 15:51

Wéé mio' sumama-sama' an dékén! Awéan sé icaenepé' en aicuaku ai camu: ra'ica pakasa icita e maté, taan en owakta im baya mawalina.

1 Korintus 15:6

Kumawus in itu Sia mangé ka'i mapaturu' in owak-Na a sé lima ngaatus lébé poo-poow maéman. Wo kinakelian asé tou itu menonoué' akar intarépé' wo sé piraan ai séra imatéo.

1 Tesalonika 5:10

Sia imatéo torona icita wosama' sa Sia maai sumawel, mandé ka'i an oras itu kita imatéo kuma'pa kita menonoué', kita ro'na menonou mewali-wali wo Sia.

2 Timotius 4:16

An tutuw ing kataré-taré aku méla in owakku am pengadilan, ra'ica wana esaan angé asé tou en tumawang yaku. Pakasa in tou tumela'uo yaku. Taan pangilekenku a si Casuruan wosama' ra'ica ukumen-Na séra.

2 Petrus 3:4

Icua éra oka tana'i, “Aijanji i Kristus sapaoka Sia maai sumawel. Kéitu réén akar intarépé' ra'ipé' mai ako? Sé apo-apo'ta imatéo, taan pakasa sé ang kayo'baan ra'ipé' wana e mawalina, meputépé' tanu asi kataré eng kayo'baan niéma' i Amang Kasuruan.”