Kisah Para Rasul 7:58 - En Taar Weru a nunuwu' é Tontemboan

⁵⁸ Wo wésoon éra sia kumesot ang kota wo wangkilen éra im batu. Sé tou mamuali sairi am bitu, séra muka' in juba éra wo iweta' éra an dior ing kécéi i esa mangalitou si makangaran Saulus.

Kisah Para Rasul 7:58 ပူးပေါင်းရင်းမြစ်များ

Lukas 4:29

Wo séra tumulung, e musér si Yesus kumesot asi kota itu wo Sia iwali éra an tembir im pokal si winangunan ing kota éra itu, en iténdél asi pokal itu.

Kisah Para Rasul 22:20

Taniitu ka'i an tutuw éra imaté si Stefanus si sairi i Casuruan itu, yaku am bitu wo niénanku ka'i e niéma' éra itu. Wo yakuo ka'i en tuméir ing karai éra tutuw éra i maté sia.’

Kisah Para Rasul 22:23

Séra mengangko-ngangko' akar i memangki-mangkil in juba éra. Wo séra ka'i mawuras angé in awu ampa'paan séra mae'bowo keli.

Kisah Para Rasul 22:4

Indior, paokoienku sé tou makiit in sususuien i Yesus akar imaté. Tangkaanku sé tuama wo sé wéwéné wo yuntepku am bui.

Kisah Para Rasul 26:10

En itu émaanku ka'i an Yerusalem. An tutuwku imakéréo kawasa asé kikiiten é imam, tangkaanku sé tou le'nas wo yuntep am bui. Énanku ka'i séra makéré in ukuman patén.

Kisah Para Rasul 6:11

Ampa'paan in itu, ang karapi i memene-menes ru'du' éra piraan tou en sumairi in towo, tana'i, “Pinalingao ami sé nuwu' i Stefanus maroma' ang karapi i maojat si Musa wo si Amang Kasuruan.”

Kisah Para Rasul 6:13

Asi tampa itu ru'du' éra piraan tou en sumairi in towo andumoro' i Stefanus. Icua é tou sé mengasairi itu, “Si tou anio' ra'ica mento' mengawéé in léwo' andumoro' im Balé Le'nas anio' wo en ukum Torat.

Kisah Para Rasul 7:57

Kelinga in itu, wo séra mengangko-ngangko' wo makatutuw in lunteng. Kumawus in itu serangen éra sia.