Kisah Para Rasul 7:38 - En Taar Weru a nunuwu' é Tontemboan

³⁸ Si Musa anio' si mewali-wali wo sé apo-apo'ta tou Israel an tana' kapayasan. An tutuw ang kuntung Sinai, awéan malaékat mai mepaar wo isia en icua a sé apo-apo'ta, siituo en taar i Amang Kasuruan si tinerimana si méma' icita menonou.

Kisah Para Rasul 7:38 ပူးပေါင်းရင်းမြစ်များ

Yohanes 1:17

Tinerimata en ukum-ukum i Amang Kasuruan ampa'paan i Musa, taan kinatuusanta en upus aitambér i Amang Kasuruan wo en sususuien wutul-Na ampa'paan si Yesus Kristus.

Yohanes 6:63

Sé tou ra'ica makawoo méma' in owakna menonou akar ing kauré-uré. Wayake' i Roh i Amang Kasuruan e méma' si tou ro'na menonou akar ing kauré-uré. E nunuwu' sé aicua-Ku itu, nunuwu' i Roh-Na wo sé nunuwu' itu iméma' sé tou menonou oka akar ing kauré-uré.

Kisah Para Rasul 7:30

Kekawus in epat ngapulu' ngata'un si Musa maento' am bitu, wo mai si esa malaékat e mapaturu' in owak ai sia an tana' kapayasan ang kuntung Sinai. Si malaékat itu mapaturu' an uner in api si icumesotai an dukut tutunéan.

Kisah Para Rasul 7:35

Si Musa anioo si ra'ica icasalé' é tou Israel, tutuw éra kumua ai sia, ‘Si séi réén e mangkai ico mamuali kikiiten ami wo makim icami?’ Taan si Musao ka'i si ayutus i Amang Kasuruan maké si malaékat-Na e mamuali kikiiten é tou Israel wo makawali iséra kumesot an tana' Mesir. Si malaékat itu mapaturu' ai sia an uner in api si icumesotai an dukut tutunéan.

Kisah Para Rasul 7:53

Kamu itumerimao in ukum Torat si aicua é malaékat, taan en itu ra'ica pengaémaan iow.”

Roma 3:2

Tantu kelian eng katoranaan wo am baya-waya! Kataré-taré, a sé tou Yahudio sé tinokéan in Taar i Amang Kasuruan.

Roma 9:4

Séra itu sinisiro i Amang Kasuruan wo niangkaio mamuali toyaang-Na in esa wo tumerimao ka'i i rarayo wo in sisiri'-Na. Séra jinanjian i Amang Kasuruan ing kamangen, wo winéan-Nao ukum Torat. Wo aicuao i Amang Kasuruan ai séra tumambisa maapo' ai Sia, wo ka'i séra winéan-Nao in janji-janji.

Galatia 3:19

Aiwéé i Amang Kasuruan eng kamang ciit in janji-Na. Sa taniitu, kéitu réén Sia méé in ukum Torat itu? En ukum Torat itu aiwéé-Na wosama' ro'na kakailekan é tou eng kamesé-meséaan éra. Wo en ukum itu asalo mapaké akar maai si taranak i Abraham si aicua an janji-Na a si Abraham itu. En ukum itu aicua é malaékat a si Musa si makawali itu, wo icuana a sé tou Israel.

Ibrani 2:2

En Taar i Amang Kasuruan sé ipakua é malaékat a sé apo-apo'ta tou Israel en itu wutul, wo en tou si ra'ica mengakiit kuma'pa ra'ica mengaéma' in taar i Amang Kasuruan, sia itu makéré in ukuman kumiit sé pinengaéma'na.

Ibrani 4:12

En Taar i Amang Kasuruan itu menonou wo makakawasa. Wo en Taar itu ilumébé mai ing katelew in sa'bel rua telewa, ro'na tumopok rarem keli akar tumané i mu'kur wo e roh, wunak wo wuku-wuku in du'i, wo ro'na kailekan-Na waya sé an untep im bewerot wo im paaté-atén é tou.

Ibrani 5:12

En ulitna kamu an témponao woo mamuali guru, taan kamu sangalipé' pasusuian é tou walina en andumoro' im patuuran in Taar i Amang Kasuruan. Kamu susupé' em paelepen, ra'ipé' makawoo tumerima ing kakanen keté.

1 Petrus 4:11

Sa awéan tou tumerima ing kamang aitambér i Roh Le'nas eng kumua in taar i Amang Kasuruan a sé tou, musti icuana en itu kumiit in taar i Amang Kasuruan. Wo sa awéan tou tumerima ing kamang aitambér i Roh Le'nas en tumawang sé tou, musti émaanna en itu maké ing kaketeran asi Amang Kasuruan owo. Anaé, pakén iow sumama-sama' eng kamang aitambér i Roh Le'nas ai camu esa wo si esa wosama' asé pakasa sé niéma'o miow itu, sé tou ro'na rumayo wo sumiri' si Amang Kasuruan, ampa'paano i Yesus Kristus. Si Amang Kasuruan itu makaanu i rarayo wo in sisiri' wo ing kakawasaan akar ing kauré-uré! Ulit.