Kisah Para Rasul 7:35 - En Taar Weru a nunuwu' é Tontemboan

³⁵ Si Musa anioo si ra'ica icasalé' é tou Israel, tutuw éra kumua ai sia, ‘Si séi réén e mangkai ico mamuali kikiiten ami wo makim icami?’ Taan si Musao ka'i si ayutus i Amang Kasuruan maké si malaékat-Na e mamuali kikiiten é tou Israel wo makawali iséra kumesot an tana' Mesir. Si malaékat itu mapaturu' ai sia an uner in api si icumesotai an dukut tutunéan.

Kisah Para Rasul 7:35 ပူးပေါင်းရင်းမြစ်များ

Markus 12:26

Wo ka'i andumoro' sé tou imaté wo tumou sumawel, ra'ipé' réén binaca miow si aipatic i Musa an sisisilen andumoro' in dukut tutunéan si mengembu-ngembung? Aicua i Amang Kasuruan a si Musa in tana'i, ‘Yakuo si Amang Kasuruan, si pengaapo'an i Abraham, Ishak wo si Yakub.’

Lukas 19:14

Taan sé tou an doongna itu masuut isia. Anaé, an tutuw sia imangém wo iru'du' éra tou mangé an doong wangker wo tayang itu, eng kumua tana'i, ‘Ra'ica kiim ami si tou itu mamuali kolano ami.’

Yohanes 18:40

Wo ayangko' érake', “Tioo si Tou itu! Iwekaro si Barabas!” Si Barabas itu tou mengarampok.

Yohanes 19:15

Wo séra mengangko-ngangko' wo makua, “Paténo Sia! Paténo Sia! Salipo Sia!” Wo icua i Pilatus ai séra, “Musti réén isalipku si colano miow?” Isowat é kikiiten é imam, “Si colano ami wayake' si Kaisar!”

Kisah Para Rasul 2:36

Ampa'paano in itu pakasa sé tou Israel musti wutu-wutul makailek sapaoka si Yesus si aipaku miow ang kayu salip itu, Siao si niangkai i Amang Kasuruan mamuali Kasuruan wo Kristus.”

Kisah Para Rasul 3:22

Si Musa sumangkumo icumua in tana'i, ‘Angkaien oka i Amang Kasuruan esa Nabi ai camu owo, si esaan angé asé poo-poowta tou Israel tanu Sia imangkai yaku mamuali nabi. Lingano waya sapake' en icua-Na ai camu.

Kisah Para Rasul 5:31

Wo angkaien-Na mangé si Yesus ang karapi ing kama kakan-Na an tampa pasiri-siriin, wosama' sé tou Israel ro'na mape'dis wo makéré ing kaampungan ang kamesé-meséaan.

Kisah Para Rasul 7:30

Kekawus in epat ngapulu' ngata'un si Musa maento' am bitu, wo mai si esa malaékat e mapaturu' in owak ai sia an tana' kapayasan ang kuntung Sinai. Si malaékat itu mapaturu' an uner in api si icumesotai an dukut tutunéan.

Kisah Para Rasul 7:51

Kamu anio' keté ro'kos, tanu sé tou kumetéo in até ra'ica makiit si Amang Kasuruan wo ra'ica kiim mengalinga Sia. Kamu tatap mengasundur si Roh Le'nas tanu sé apo-apo' miow.

Kolose 1:15

Si Kristus itu tanu paséréan pakasa im peri i Amang Kasuruan si ra'ica kaséréan. Si Kristus itu Toyaang-Na luluna si lébé penting asé pakasa sé niéma'-Na.

Ibrani 2:2

En Taar i Amang Kasuruan sé ipakua é malaékat a sé apo-apo'ta tou Israel en itu wutul, wo en tou si ra'ica mengakiit kuma'pa ra'ica mengaéma' in taar i Amang Kasuruan, sia itu makéré in ukuman kumiit sé pinengaéma'na.

Wahyu 15:3

Séra makantar ing kakantaren i Musa si ata i Amang Kasuruan wo kakantaren i Toyaang i Domba. Eng kakantaren itu tana'i, “O Amang Kasuruan Si Makakawasa, uli-ulit wangko' wo kakaya'kaan pakasa sé niéma'-Mu! O Kolano pakasa im bangsa. Pakasa sé niéma'-Mu uli-ulit ra'ica marapit wo wutul.