Kisah Para Rasul 7:30 - En Taar Weru a nunuwu' é Tontemboan

³⁰ Kekawus in epat ngapulu' ngata'un si Musa maento' am bitu, wo mai si esa malaékat e mapaturu' in owak ai sia an tana' kapayasan ang kuntung Sinai. Si malaékat itu mapaturu' an uner in api si icumesotai an dukut tutunéan.

Kisah Para Rasul 7:30 ပူးပေါင်းရင်းမြစ်များ

Markus 12:26

Wo ka'i andumoro' sé tou imaté wo tumou sumawel, ra'ipé' réén binaca miow si aipatic i Musa an sisisilen andumoro' in dukut tutunéan si mengembu-ngembung? Aicua i Amang Kasuruan a si Musa in tana'i, ‘Yakuo si Amang Kasuruan, si pengaapo'an i Abraham, Ishak wo si Yakub.’

Lukas 20:37

Wo aicuao ka'i i Musa andumoro' sé tou imatéo touen oka sumawel. Aipaticna en itu an sisilen andumoro' in dukut tutunéan mengembu-ngembung, aicuana sapaoka si Amang Kasuruan kumua in tana'i, ‘Yakuo si Amang Kasuruan i Abraham, Ishak wo si Yakub.’

Kisah Para Rasul 7:17

Si Amang Kasuruan sumangkumo jumanji a si Abraham sapaoka sé tou Israel icesot-Na oka an tana' Mesir. Makatawio en témpona Sia lumekep in janji itu, makaaweso ka'i eng kakeli éra an tana' Mesir.

Kisah Para Rasul 7:31

Si Musa mangaya'ka' andumoro' im pinapaturu'an itu wo an tutuwna rumuru mangé en suméré, tumarépé'anke'mai linganna en suara i Casuruan icumua in tana'i,

Kisah Para Rasul 7:32

‘Yakuo si Amang Kasuruan si pengaapo'an é apo-apo'mu Abraham, Ishak wo si Yakub.’ An tutuw i luminga in suara itu, si Musa gume'ger in indé' wo ra'io brani suméré.

Kisah Para Rasul 7:35

Si Musa anioo si ra'ica icasalé' é tou Israel, tutuw éra kumua ai sia, ‘Si séi réén e mangkai ico mamuali kikiiten ami wo makim icami?’ Taan si Musao ka'i si ayutus i Amang Kasuruan maké si malaékat-Na e mamuali kikiiten é tou Israel wo makawali iséra kumesot an tana' Mesir. Si malaékat itu mapaturu' ai sia an uner in api si icumesotai an dukut tutunéan.

Galatia 4:25

Si Hagar itu ayandé tanu ing kuntung Sinai an tana' Arab. Wo en Yerusalem intarépé' kaputé ing kuntung Sinai an tana' Arab, ampa'paan sé tou Yerusalem imamualio ata an ukum Torat.