Kisah Para Rasul 7:25 - En Taar Weru a nunuwu' é Tontemboan

²⁵ Pawerotenna sapaoka kaangéan oka é poo-poowna tou Israel sa sia pinaké i Amang Kasuruan e mekar iséra ang kasusaan an tana' Mesir. Taan ra'ica réén kaangéan éra.

Kisah Para Rasul 7:25 ပူးပေါင်းရင်းမြစ်များ

Markus 9:32

Ra'ica kaangéan éra sé airoma'-Na itu, taan séra kenengke' i mamuéi ai Sia.

Lukas 18:34

Pakasa sé aicua i Yesus itu ra'ica kaangéan é murit-Na, eng kaangéan i nunuwu'-Na itu ipakaenepé' ai séra. Wo ra'ica kailekan éra si Yesus icumua andumoro' in sapa.

Lukas 9:45

Taan ra'ica kaangéan é murit i Yesus sapa en aicua-Na itu. En aicua i Yesus itu icaenepé' wosama' en itu ra'ica kailekan é murit-Na. Wo séra kenengke' mamuéi andumoro' in itu a si Yesus.

Kisah Para Rasul 14:27

Icatéka' mangé an Antiokhia, towan éra sé jamaat e maumung. Wo sisil éra in dua pakasa sé niéma' i Amang Kasuruan ai séra. Sisil éra ka'i tambisa si Casuruan muka' in lalan akar sé tou ra'ica Yahudi ro'na maéman a si Yesus.

Kisah Para Rasul 15:4

Icateka' mangé an Yerusalem, séra sinungkul é jamaat, é ruru'du'an wo sé penatua ang kota itu ang karapi in arui en até. Wo isisil éra in dua a sé tou itu, andumoro' im pakasa sé niéma'o i Amang Kasuruan ai séra in dua.

Kisah Para Rasul 15:7

Uré-uréan keli séra mepaar andumoro' im perkara itu wo si Petrus tumulung, icuana ai séra, “Éi poo-poow, kailekan iow sapaoka si Amang Kasuruan indior isumisiro yaku an uner iow eng kumua in Abar Kaaruien andumoro' si Yesus Kristus a sé tou ra'ica Yahudi wosama' lingan éra en abar itu wo maéman.

Kisah Para Rasul 21:19

Si Paulus méé in siri' ai séra. Wo isisilna waya ai séra e niéma' i Amang Kasuruan a sé tou ra'ica Yahudi, tutuwna i mangé kumua in Abar Kaaruien andumoro' i Yesus Kristus an tampa éra.

Kisah Para Rasul 7:24

Asi témpo itu si Musa suméré awéan esa tou Israel si paoko-okoien i tou Mesir wo tawangenna i méla. Wo si tou itu pinaté i Musa.

Kisah Para Rasul 7:26

Mando mai, si Musa suméré awéan rua tou Israel mapetokol. Wo raméjinna méma' séra meeluran sumawel, icuana, ‘Éi! Kéitu réén kamu in dua mapetokol? Ra'ica réén mepoow kamu in dua?’

Roma 15:18

Taan aku ra'ica rumayo andumoro' in owakku, en rayoku asaloke' andumoro' sé niéma' i Kristus, akar ro'na iwaliku sé tou ra'ica Yahudi male'tek a si Amang Kasuruan ang karapi i nunuwu'ku wo im pengaémaanku,

1 Korintus 15:10

Taan ampa'paan in upus si aitambér i Amang Kasuruan, yaku ro'na mamuali ruru'du'an tanu intarépé'. Wo en upus si aitambér i Amang Kasuruan itu uli-ulit awéan wuéna. Sé tinawoiku lumébé mai asé im pakasa é ruru'du'an. En itu ra'ica ampa'paan ing kaketeranku in esa, taan ampa'paano in upus aitambér i Amang Kasuruan mewali-wali wo yaku.

1 Korintus 3:9

Ampa'paan kami in dua sé matawoi mewali-wali wo si Amang Kasuruan wo kamu tanuoka in uma i Amang Kasuruan wo ka'i tanuoka im balé-Na.

2 Korintus 6:1

Ampa'paan kami matawoi mewali-wali wo si Amang Kasuruan, pekiupusen ami imauli-ulit ai camu wosama' tioo paepesen iow im beren en upus aitambér i Amang Kasuruan si tinerimao miow itu.

Kolose 1:29

Torona in ituo aku tumawoi wo mauli-ulit rumaméji ang karapi i mamangén ang kaketeran si aiwéé mai i Kristus wo repet matawoi an untep in owakku.