Kisah Para Rasul 7:10 - En Taar Weru a nunuwu' é Tontemboan

¹⁰ wo mekar isia am pakasa ing kawenduanna. Ituru' i Amang Kasuruan eng kaupusan-Na a si Yusuf wo émaan-Na sia mapinter, akar sia icaupus keli i Firaun kolano i Mesir. Ampa'paano in itu, angkaien i Firaun sia e makakawasa am pakasa in tana' Mesir wo ka'i an istana i colano.

Kisah Para Rasul 7:10 ပူးပေါင်းရင်းမြစ်များ

2 Timotius 4:18

Iwekar-Na oka ka'i aku asé tou sé mawasa-wasa in léwo' e méma' yaku icawangkur. Lowiren-Na oka ka'i aku akar muntep an sorga, asi tampa Sia Makakawasa tanu Kolano. Siao em patus iparayo-rayo wo pasiri-siriin akar ing kauré-uré! Ulit.

Yakobus 5:11

En ulitna, sé tou talesen makiit si Casuruan mandé ka'i meta'up ing kawenduan, séra itu tou pakakamangen. Wo tantu pinalingao miow andumoro' ing katalesenan i Ayub. Wo kailekan iow kekawus ako in itu, sia kinamang i Amang Kasuruan, ampa'paan si Amang Kasuruan taloso taupus wo wuta ing kaupusan a sé tou.

Wahyu 7:14

Wo sowatenku, “Tuang! Si tuang e makailek.” Wo icuana a yaku, “Séra ituo sé tou ilumangkoio mai ing kawenduan wangko'. Wo pakén éra en enda' i Toyaang i Domba eng kumemes in juba éra wo méma' akar i makulo'.