Kisah Para Rasul 6:7 - En Taar Weru a nunuwu' é Tontemboan

⁷ En Taar i Amang Kasuruan makaseraro wo sé tou maéman a si Yesus an Yerusalem makaaweso eng kakeli. Kelian sé imam sumarakan in owak éra wo maéman a si Yesus.

Kisah Para Rasul 6:7 ပူးပေါင်းရင်းမြစ်များ

Matius 19:30

Taan keli en tou kumataré-taré mamuali oka tou sumomo-somoi, wo sé tou sumomo-somoi mamuali oka tou kumataré-taré.”

Lukas 2:34

Wo si Simeon sumombayang mangilek a si Amang Kasuruan wosama' méé mai ing kamang ai séra. Wo icuana a si Maria inang i Toyaang itu, “Maria, si Toyaang anio' aitantuo i Amang Kasuruan e mai mukum sé kelian tou Israel sé ra'ica maéman a si Casuruan wo mai lumowir kelian tou Israel sé maéman ai Sia. Wo si Toyaang anio' mamuali oka tuus tanu popokéi i Amang Kasuruan a sé tou iméma' ing kamesé-meséaan. Taan Sia icélong oka é tou keli.

Yohanes 12:42

Mandé in taniitu, kelike' asé kikiiten é tou Yahudi mercaya a si Yesus. Taan ra'ica kiim éra mangaku im paémanen a sé tou, ampa'paan caindé' éra péronen é tou Farisi e muntep am balé paapo'an é agama Yahudi.

Kisah Para Rasul 12:24

Ang Karoro'an in itu, makaaweso sé tou sé masisil in Taar i Amang Kasuruan wo makaaweso ka'i sé tou maéman.

Kisah Para Rasul 13:8

Taan si Barnabas wo si Saulus sinundurke' i masihir itu si a nunuwu' é Yunani pengatuulen Elimas. Raméjinna wosama' si gubernur ra'ica maéman a si Yesus.

Kisah Para Rasul 14:22

An tampa-tampa itu, si Paulus wo si Barnabas kumeter in até é tou maéman wo sumina'u iséra wosama' le'tek am paémanen. Wo icua i Paulus wo si Barnabas, “Sa kita masalé' mamuali tou i Amang Kasuruan si Kumawasa tanu Kolano, kita musti meta'up ing keli kawenduan.”

Kisah Para Rasul 19:20

Ang karapi i méma' in taniitu, en taar i Casuruan makaseraro am bisa-wisa wo makakelio ka'i sé tou maéman.

Kisah Para Rasul 2:47

Séra marayo si Amang Kasuruan wo ka'i casalé' é tou keli. Wo susur in endo pengawe-ngawesan i Casuruan eng kakeli é tou maéman itu ang karapi é tou sé pakalowirené'.

Kisah Para Rasul 21:20

Kelinga in itu, séra rumayo wo sumiri' si Amang Kasuruan. Wo icua éra a si Paulus, “Éi poow! Musti kailekanmu sapaoka mariwuo eng kakeli é tou Yahudi maémano wo re'dem makiit in ukum Torat.

Kisah Para Rasul 6:1

Sé tou mengakiit in sususuien i Yesus makaaweso eng kakeli. An tutuw itu sé tou Yahudi sé manuwu' i nunuwu' é Yunani mangingimbulu a sé tou Yahudi sé menganuwu' i nunuwu' é Ibrani. Ampa'paan sé wéwéné balu é tou Yahudi menganuwu' i nunuwu' é Yunani itu, ra'io pawéan rékén é tou an tutuw mengaéké ing kaperluan mengendo-ngendo.

Roma 1:5

Wo ampa'paano i Yesus Kristus ituo, si Amang Kasuruan imééo mai ing kamang a yaku mamuali ruru'du'an e makin waya sé tou ang kayo'baan wosama' séra maéman wo le'tek a si Yesus Kristus. Émaanku waya en itu, wosama' e ngaran i Yesus Kristus iparayo-rayo wo pasiri-siriin.

Roma 16:26

Taan intarépé', ampa'paano im perénta i Amang Kasuruan si menonou akar ing kauré-uré, si paene-enep-Na itu aituru'o wo aicuao a sé im pakasa in suku maké ing kitap-kitap sé aipatico é nabi, wosama' séra maéman wo le'tek a si Amang Kasuruan.

Galatia 1:23

Séra asalo luminga i nunuwu' é tou andumoro' yaku in tana'i, “Indior si tou itu mengaokoi cami, taan intarépé' sia e mengakua a sé tou en andumoro' im paémanen a si Kristus, si indior em paémanen itu icasalé'na ing ka'pun.”

Galatia 6:10

Ampa'paan in itu, ang karoro'anta winéané' témpo, mayoo émaanta sé loor a sé pakasa in tou, kataré-taré a sé poo-poowta an esa paémanen.

Kolose 1:6

Wo en Abar Kaaruien itu aicaseraro am bisa-wisa ang kayo'baan wo em buéna kinaséréano ang katouan é tou. Taniituo ka'i wo icamu, tumo'tolai kamu luminga in Abar itu wo wutu-wutul makailek in upus aitambér-Na, kamu kinamango i Amang Kasuruan.

2 Tesalonika 1:8

Wo ukumen-Na oka sé tou sé ra'ica kiim mengkatuusan wo si Amang Kasuruan wo ra'ica kiim kumiit in Abar Kaaruien andumoro' i Yesus Kristus Apo'ta.

2 Timotius 2:9

Ampa'paano aku makua in Abar Kaaruien itu, yaku pengaokoien é tou, pengawa'kesen éra i ranté tanuoka tou léwo', taan en taar i Amang Kasuruan ra'ica toro kawa'kesan.

Ibrani 11:8

Ampa'paan si Abraham awéan paémanen, kiniitanna si Amang Kasuruan an tutuw sia tinowa wo airu'du' mangé asi esa tampa si mamuali oka bagéanna. Wo sia mangé mandé ra'ica kailekanna am bisa en tampa angéanna.

Ibrani 5:9

Wo kekawus i Yesus méma' in itu, niéma'o i Amang Kasuruan Sia makaleke-lekep. Sia imamualio palemboian ing kalowiran akar ing kauré-uré torona im pakasa sé tou sé le'tek ai Sia.

Yudas 1:20

Taan kamu é poo-poow sé icaupusku, wanguneno mangé eng katouan iow imengatuur asi paémanen iow si lume'na-le'nas. Wo sumombayango mangé maké ing kawasa i Roh Le'nas.

Yudas 1:3

Poo-poow sé icaupusku! En ulitna si paangé-angénku asi kataré-taré, yaku masalé' keli woo matic in surat ai camu andumoro' ing kalowiran si tinerimatao im baya. Taan intarépé' icasalé'ku keli e matic andumoro' sé walina torona miow. Icasalé'ku en sumina'u icamu wosama' kamu rumaméji kasake' imaéman. Em paémanen itu makasake' iwéé i Amang Kasuruan a sé tou le'nas akar ing kauré-uré.