Kisah Para Rasul 6:14 - En Taar Weru a nunuwu' é Tontemboan

¹⁴ Lininga ami, ipakuana sa si Yesus tou Nazaret itu e tumongkar oka im Balé Le'nas anio' wo rumoba ing kanaramen si aisusuio i Musa indior, si pemaké-makénta akar intarépé'.”

Kisah Para Rasul 6:14 ပူးပေါင်းရင်းမြစ်များ

Matius 26:61

icua éra a sé anggota Mahkamah Agama, “Si Tou anio' sumangkumo icumua sapaoka em Balé Le'nas ro'na tongkaren-Na wo wangunen-Na sumawel wayake' in telu ngando.”

Markus 14:58

“Pinalinga ami si tou anio' kumua in tana'i, ‘Tongkaren-Ku oka em Balé Le'nas si niéma' é tou, wo asi endo katelu émaan-Ku oka Walé Le'nas walina, si ra'ica niéma' é tou.’ ”

Lukas 21:24

Sé tou itu awéan sé patén oka in sa'bel wo awéan ka'i sé tangkaan mamuali tawanan wo paalin oka a negara-negara é tou ra'ica Yahudi. Wo en Yerusalem anio' mai oka tongkaren é bangsa ra'ica makatuus si Amang Kasuruan wo kawasan éra akar malekep en témpo aitantu-Na ai séra.”

Lukas 21:6

“Maai oka en endona, sapa en sinéré miow itu pakatongka-tongkaren oka, akar ra'io wana watu e meliunsunan am bawo im batu walina mandé esake'.”

Yohanes 2:19

Isowat i Yesus ai séra, “Sa tongkaren iow em Balé Le'nas anio', wangunen-Ku oka sumawel asi teluke' ngando.”

Yohanes 4:21

Icua i Yesus ai sia, “Inang, percayano mangé en icua-Ku anio': Maai oka en témpona sé tou maapo' a si Amang Kasuruan am bisa-wisake', ra'ica sangali sumosor asi kuntung anio' wo mangé an Yerusalem.

Kisah Para Rasul 15:1

Awéan piraan tou an Yudea owo, mai an Antiokhia. Am bitu séra sumusui sé tou ra'ica Yahudi sé maémano in tana'i, “Sa kamu ra'ica sunaten iciit ing kanaramen si aisusui i Musa, kamu ra'ica malowir.”

Kisah Para Rasul 21:21

Taan pinalinga érao ka'i andumoro' sé ipasusuimu a sé pakasa é tou Yahudi sé maento' an uner é bangsa walina, sapaoka séra nomoo makiit in ukum Torat. Wo aicuamu kiné, sapaoka sé toyaang nomoo sunaten wo ka'i nomoo menonou makiit ing kanaramenta.

Kisah Para Rasul 25:8

Taan si Paulus méla in owak, icuana, “Mandé teké'ke', aku ra'ica kawisa mako méma' kaséaan. Yaku ra'ica iméma' sapa-sapa en sumundur in ukum Torat wo ra'ica méma' kaséaan am Balé Le'nas wo ka'i ra'ica iméma' kaséaan a si Kaisar Romawi.”

Kisah Para Rasul 26:3

Wopé'ka'i kailekanku, sa wutu-wutul kailekan i tuang eng kanaramen wo e masala ami tou Yahudi. Ampa'paan ituo, pangilekenku wosama' si tuang luminga ang karapi in talesen sapa en icuaku.

Kisah Para Rasul 28:17

Teluo ngando kami am bitu wo enoten i Paulus sé tou Yahudi sé pasiri-siriin e meta'up wo sia. Wo an tutuw éra imali'uso, icuana ai séra, “Poo-poow! Yaku am bia'i ampa'paan tinangka' é tou Yahudi an Yerusalem wo isarakan éra aku a sé pemerénta Romawi. Taan aku ra'ica iméma' kaséaan sapa-sapa en sumundur sé taranakta wo ka'i ra'ica kumélong ing kanaramen é apo-apo'ta.

Galatia 3:19

Aiwéé i Amang Kasuruan eng kamang ciit in janji-Na. Sa taniitu, kéitu réén Sia méé in ukum Torat itu? En ukum Torat itu aiwéé-Na wosama' ro'na kakailekan é tou eng kamesé-meséaan éra. Wo en ukum itu asalo mapaké akar maai si taranak i Abraham si aicua an janji-Na a si Abraham itu. En ukum itu aicua é malaékat a si Musa si makawali itu, wo icuana a sé tou Israel.

Galatia 3:23

Taan indior, ang karoro'an kita mengento-ngento'pé' si Kristus i maai, kita pakawa'kesené' in ukum Torat tanuoka sé tou pakakurungen an untep im bui. Kita pakawa'kesen in ukum Torat akar en témpona si Kristus maai. Wo icua oka i Amang Kasuruan kita ro'na tumerima ing katouan akar ing kauré-uré sa maéman a si Kristus.