Kisah Para Rasul 6:10 - En Taar Weru a nunuwu' é Tontemboan

¹⁰ Taan émaan i Roh Le'nas si Stefanus pinter keli maroma' akar ra'ica kawooan éra en sumundur sia.

Kisah Para Rasul 6:10 ပူးပေါင်းရင်းမြစ်များ

Lukas 1:17

Wo isia en dior maai wo si Casuruan en tumu'tul in lalan em paaian i Casuruan. Em perina wo eng kawasana sa, meputé wo si nabi Elia indior. Wo sia maai e méma' sé ama-amang meeluran wo sé toyaang éra wo sé tou ra'ica le'tek a si Casuruan maréng sumawel maéma' im butul an dior i Casuruan. Tanu siituo si Yohanes tumu'tul in até é tou en sumungkul si Casuruan maai.”

Lukas 21:15

Ampa'paan, émaan-Ku oka kamu pinter manuwu' wosama' kamu ra'ica kasunduran wo ra'ica ro'na icélong é kaséké' miow.

Yohanes 7:46

Wo isowat é mengatéir im Balé Le'nas itu, “Ra'ipé' wana tou en sinéré ami mai menganuwu' kaputé Sia!”

Kisah Para Rasul 5:39

Taan sa en itu asi Amang Kasuruan owo, ra'ica kawooan iow sumundur iséra. Ra'ica kawooan iow eng kuma'pu iséra taan taré icamu in esao wona' en sumundur si Amang Kasuruan.” Kelinga éra in itu, sé anggota Mahkamah Agama tumerima in sama' pakasa sé aicua i Gamaliel.

Kisah Para Rasul 6:11

Ampa'paan in itu, ang karapi i memene-menes ru'du' éra piraan tou en sumairi in towo, tana'i, “Pinalingao ami sé nuwu' i Stefanus maroma' ang karapi i maojat si Musa wo si Amang Kasuruan.”

Kisah Para Rasul 6:9

Am bitu awéan ka'i piraan tou Yahudi ang Kirene owo wo an Aleksandria, wo awéan piraan ka'i mai ang Kilikia wo an Asia owo. Séra itu indior sumangkumo mamuali ata é tou taan intarépé' ra'io. Em balé paapo'- an éra makangaran ‘Walé paapo'an é tou sé indior sumangkumo mamuali ata.’ Ra'ica icasalé' éra si Stefanus, ampa'paan in ituo séra meindoan roma' wo sia.

Kisah Para Rasul 7:51

Kamu anio' keté ro'kos, tanu sé tou kumetéo in até ra'ica makiit si Amang Kasuruan wo ra'ica kiim mengalinga Sia. Kamu tatap mengasundur si Roh Le'nas tanu sé apo-apo' miow.

1 Korintus 2:4

An tutuw aku maroma' wo makua in Abar Kaaruien ai camu, yaku ra'ica mapaké nunuwu' ing kapinteran in tou im percayan iow, taan aku mapercaya a si kawasa i Roh Le'nas.