Kisah Para Rasul 6:1 - En Taar Weru a nunuwu' é Tontemboan

¹ Sé tou mengakiit in sususuien i Yesus makaaweso eng kakeli. An tutuw itu sé tou Yahudi sé manuwu' i nunuwu' é Yunani mangingimbulu a sé tou Yahudi sé menganuwu' i nunuwu' é Ibrani. Ampa'paan sé wéwéné balu é tou Yahudi menganuwu' i nunuwu' é Yunani itu, ra'io pawéan rékén é tou an tutuw mengaéké ing kaperluan mengendo-ngendo.

Kisah Para Rasul 6:1 ပူးပေါင်းရင်းမြစ်များ

Matius 23:13

“Icawangkuro mio' kamu sé makailek wutul in Torat wo sé tou Farisi! Kamu anio' tou punek. Ampa'paan pengakalaan iowke' sé tou masalé' muntep ang Kakolanoan in Sorga. Icamu in esa ra'- ica kiim muntep ang Kakolanoan in Sorga, akar pengakalaan iow sé tou masalé' muntep ang Kakolanoan in Sorga. [

Kisah Para Rasul 11:20

Taan an uner éra awéan ka'i piraan tou Siprus wo Kirene sé imangé an Antiokhia. A mangé mbitu icua éra ka'i en Abar Kaaruien andumoro' i Yesus a sé tou ra'ica Yahudi.

Kisah Para Rasul 11:26

Wo sia meta'up wo si Saulus, kumawus in itu iwalina si Saulus an Antiokhia. Séra in dua mento' mewali-wali wo sé jamaat a mangé mbitu sangata'un eng kauréna. Séra ka'i mengasusui a sé tou keli andumoro' i Yesus. An Antiokhia anioo sé tou makiit in sususuien i Yesus kumataré-taré patuulen Krésten.

Kisah Para Rasul 11:29

Kumawus in itu, sé tou maéman an Antiokhia musé' en lumi'us roit patawang iwéé a sé poo-poow an esa paémanen an Yudea, iciit ing kawooan éra i esa wo si esa.

Kisah Para Rasul 2:41

Kumawus in itu, sé tou itumerima i nunuwuun i Petrus, séra méé in owak em baptisen. Asi témpo ituke', sé tou maéman a si Yesus makaawes eng kakeli mamuali telu ngariwu tou.

Kisah Para Rasul 2:45

Wo tatap awéan ai séra e mengawangkér ing kasiyaanna. Wo en doit kinéréan, ipengawéténg éra a sé tou kiit ing kaperluan éra i esa wo si esa.

Kisah Para Rasul 2:47

Séra marayo si Amang Kasuruan wo ka'i casalé' é tou keli. Wo susur in endo pengawe-ngawesan i Casuruan eng kakeli é tou maéman itu ang karapi é tou sé pakalowirené'.

Kisah Para Rasul 4:35

paalin éra a sé ruru'du'an. Wo pakasa en doit yéké é ruru'du'an itu a sé tou kiit ing kaperluan i esa wo si esa.

Kisah Para Rasul 4:4

Taan an uner é tou sé iluminga in sususuien itu kelian sé maéman, akar eng kakeli éra wona' awéan lima ngariwu tuama.

Kisah Para Rasul 5:14

Makauré makaaweso sé tou maéman a si Apo' Yesus, awéan sé tuama wo awéan sé wéwéné.

Kisah Para Rasul 5:28

“Repeto eng kepéro ami ai camu wosama' kamu ra'io toro masusui andumoro' i Tou itu. Taan aiseraro miow en sususuien am pakasa in tampa an Yerusalem. Wo ka'i tinudu miow sapaoka, ampa'paano icami si Tou itu maté.”

Kisah Para Rasul 6:2

Ampa'paano in itu, sé sangapulu' rua ruru'du'an itu tumowa pakasa sé tou makiit in sususuien i Yesus, icua éra, “Kami in sangapulu' rua tou musti mengua-ngua in Taar i Amang Kasuruan. Suméa'o keli sa yento' ami mengua-ngua in Taar itu ampa'paano i menu'tu-nu'tulke' ing kakanen é tou keli.

Kisah Para Rasul 6:7

En Taar i Amang Kasuruan makaseraro wo sé tou maéman a si Yesus an Yerusalem makaaweso eng kakeli. Kelian sé imam sumarakan in owak éra wo maéman a si Yesus.

Kisah Para Rasul 9:29

Si Saulus ka'i maroma' wo meindo-indoan roma' wo sé tou Yahudi sé mapaké i nunuwu' é Yunani. Wo séra mangéré lalan e maté isia.

Kisah Para Rasul 9:39

Kelinga in itu, si Petrus makala'us tumu'tul wo mangé ang karapi éra. Icateka' mangé am bitu, iwali éra sia ang kamar an dangka'. Wo pakasa sé wéwéné balu tumulung rumuru mangé a si Petrus. Wo ang karapi i mengamé-ngamé' ituru' éra ai sia pakasa eng karai wo en juba si niéma'na tutuw i menonou.

Kisah Para Rasul 9:41

Timboian i Petrus eng kamana wo atasanna in tumulung. Wo towan i Petrus sé tou le'nas itu wo sé wéwéné balu, ituru'na ai séra sa si Tabita tinouna sumawel.

Roma 12:7

Sa eng kamang aitambér i Amang Kasuruan ai cita en sumelewir sé tou, kita ka'i musti mauli-ulit en sumelewir sé tou. Wo sa eng kamang aitambér i Amang Kasuruan ai cita en sumusui sé tou, kita musti mauli-ulit sumusui sé tou.

1 Korintus 10:10

Wo tioo kita mengi-ngimburung kaputé im pengaémaan é piraan ai sera itu, siituo séra pinaté i malaékat im papaté.

2 Korintus 11:22

Ipakua éra sapaoka séra tou Ibrani. Yaku ka'i tou Ibrani! Ipakua éra ka'i séra tou Israel. Yaku ka'i tou Israel! Ipakua éra ka'i sapaoka iséra taranak i Abraham. Taniitu ka'i aku taranak i Abraham!

Filipi 3:5

Yaku sinunat an tutuw in umurku walu ngando. Yaku tou Israel, asi suku i Benyamin, wutu-wutul tou Ibrani. Wo aku tou Farisi, si le'tek keli an ukum Torat.

1 Timotius 5:3

Pawéanmu mio' rékén sé balu wéwéné sé uli-ulit pinatéano i penanaanna wo ra'io wana sé masémbo-sémbong.

1 Timotius 5:9

Anaé, si balu wéwéné e ro'na daftar é jamaat en tawangen, en atorana tana'i: en umurna ra'ica maina' an enem ngapulu' ngata'- un, wayake' i makasa kawéngen,

Ibrani 13:1

Poo-poow, meupu-upusano mangé tanu mepoow an esa paémanen.

Yakobus 1:27

Taan imaapo' im butul wo lekep an dior i Casuruan Amangta, tanu si anio': Tumawang sé toyaang ula wo sé wéwéné balu ang kasusaan éra wo matéir in owak wosama' ra'ica kumiit ing kasalé'an ing kayo'baan anio'.

Yakobus 4:5

Tioo kamu mawerot sapaoka ra'ica wana alasan si aipatic ang Kitap Le'nas tana'i, “E Roh si aiwéé i Amang Kasuruan ai cita, e Roh itu manganat sa kita ra'- ica le'tek a si Casuruan.”

Yakobus 5:9

Poo-poow, tioo kamu mengimbu-ngimbulu wo membém-béan séa' wosama' kamu ra'ica ukumen i Casuruan. En ulitna, si Akim maayo, Sia an dioro im papalen.