Kisah Para Rasul 5:4 - En Taar Weru a nunuwu' é Tontemboan

⁴ An tutuw en tana' itu ra'ipé' aiwangkér, en itu kasa in anumu, wo an tutuw ka'i aiwangkéro, en doit wééna in itu ang kakawasaanmu. Kéitu réén en atému mawasa méma' in tanu siitu? Ico ra'ica itumowoke' a sé tou taan itumowoo a si Amang Kasuruan.”

Kisah Para Rasul 5:4 ပူးပေါင်းရင်းမြစ်များ

Lukas 10:16

Wo icua ka'i i Yesus a sé tou sé makiit Sia, “Si séi en luminga icamu sia luminga Yaku. Wo si séi eng kumélong icamu sia kumélong Yaku. Wo si tou kumélong Yaku, sia ka'i kumélongo si Amang Kasuruan si mutusai Yaku.”

Kisah Para Rasul 5:3

Wo icua i Petrus, “Ananias, kéitu réén en atému kinawasa i kikiiten é sétang? Ico tumowoo a si Roh Le'nas wo tinangmuke' si sangaperua im bééna in tana' itu.

Kisah Para Rasul 5:9

Wo icua i Petrus ai sia, “Kéitu réén kamu in dua meesa e mangepé' si Roh i Casuruan? Sérén angé, sé tou makakuburé' mai si penanaanmu an dioro im papalen. Séra oka ka'i e muléng ico kumesot.”

1 Korintus 8:8

En ulitna, eng kakanen ra'ica méma' icita makatawi kuma'pa makatayang a si Amang Kasuruan. Mandé ka'i kita ra'ica kuman ing kakanen si airagéso a sé opo-opo', kita ra'ica marugi. Taniitu ka'i mandé kita kuman ing kakanen itu, kita ra'ica muntung.

1 Tesalonika 4:8

Ampa'paan in itu, si séike' si ra'ica kiim tumerima in sususuien anio', sia itu ra'ica asaloke' kumélong sé tou, taan kumélongo si Amang Kasuruan si mééo mai i Roh Le'nas ai camu.

Filemon 1:14

Taan sa ra'ica énanmu, ra'- ica kiimku méma' in sapa-sapa wosama' eng kalooran émaanmu ra'ica ampa'paan pinelesé' taan émaanmu eng kalooran itu ang karapi lekep en até.

Yakobus 1:15

Wo sa eng kasalé'an itu kiniitannao, sia iméma'o ing kamesé-meséaan. Wo sa eng kamesé-meséaan itu icumawasao isia, eng kasiwakanna sia makéré oka im papaté.