Kisah Para Rasul 5:36 - En Taar Weru a nunuwu' é Tontemboan

³⁶ Ta'néien iow, indior awéan esa tou makangaran Teudas. Sia imangkai in owakna mamuali tou pasiri-siriin wo kelian tou e makiit isia, eng kakeli éra wona' epat ngaatus tou. Taan tutuw sia pinaté, sé tou ipawali-walina icasera-serar akar i maka'pu.

Kisah Para Rasul 5:36 ပူးပေါင်းရင်းမြစ်များ

Matius 24:24

Ampa'paan sé kristus ra'ica wutul wo sé nabi ra'ica wutul mapaturu' oka. Émaan éra oka en tuu-tuus wo kakaya'kaan sé ra'io icakua en sumélé'kow sé tou, sa woo ro'na ka'i, isélé'kow éra sé tou sinisiro i Amang Kasuruan.

Matius 24:26

Ampa'paano in itu, sa awéan tou eng kumua, ‘Sérén, si Kristus a mangé en tana' kapayasan!’, ra'ica toro kamu mangé am bitu. Kuma'pa, sa awéan eng kumua, ‘Sérén, si Kristus makaenep an untep ing kamar!’, ra'ica toro percayan iow.

Matius 24:5

Ampa'paan kelian tou e maai maké i ngaran-Ku wo makua in tana'i, ‘Yakuo si Kristus!’ Wo séra sumélé'kow oka sé tou keli.

Kisah Para Rasul 21:38

Anaé, ra'ica réén tou Mesir ko, si weru-weru anio' méma' ing kalicokoan wo si makawali mangé epat ngariwu tou sé mengalicoko makalulutaw tumincas an tana' kapayasan?”

Kisah Para Rasul 5:35

Kekawus in itu, si Gamaliel kumua a sé kara-karapina a Mahkamah Agama itu, “Éi tou Israel, weroten angé sumama-sama' sapa en émaan iow a sé tou anio'!

Kisah Para Rasul 8:9

Ang kota itu, awéan si esa tou makangaran Simon. Sia itu uréo masihir sé tou wo méma' sé tou an Samaria mangaya-ngaya'ka'. Sia mengatirayo in owakna tanuoka kéndo' isiao si tou penting keli.

Galatia 2:6

Wo sé tou sé nianggap pasiri-siriin itu ra'ica mawes sapa-sapa an Abar Kaaruien si aicuakuo. (Em butulna sa aku, séra tou sé pasiriin kuma'pa ra'ica pasiriin ra'ica pandungenku. Wo si Amang Kasuruan wutu-wutul ra'ica masisir in tou.)

Galatia 6:3

Ampa'paan sa awéan tou mawerot en owakna in esa penting, taan en ulitna sia itu tou ra'ica penting, eng kaangéanna sia itumowoo an owakna in esa.

2 Petrus 2:18

Séra menganuwu' mapaké i nunuwu' mengaangkai in owak wo ra'ica wana torona. Wo em pasusui éra ka'i andumoro' ing kasalé'an in owak mabersina en tumawér sumawel sé tou sé ra'ipé' uré icumesot an uner é tou sé mengakiit in sususuien ra'ica wutul itu.

2 Petrus 2:2

Wo kelian sé tou kumiit oka ing katouan é guru ra'ica wutul itu sé makiit ing kasalé'an in owak sé ra'ica loor. Wo ampa'paano sé pinengaéma' éra itu, kelian tou mojat oka in sususuien wutul i Amang Kasuruan.

Yudas 1:16

Séra itu mengimbuluke' wo mengawéé séa' a sé tou walina, taan séra in esa menonou makiit ing kasalé'an in owak éra mengaéma' ing kamesé-meséaan. Séra manuwu' mengaangkai in owak in esa wo manuwu' maarui sé tou walina e mekéré in untung.

Wahyu 17:3

Kekawus in itu, yaku kinawasa i Roh i Amang Kasuruan wo aku uwiten angé i malaékat an tana' kapayasan. A mangé mbitu, kaséréanku si esa wéwéné makalukut an licur i esa binatang réindang matu'a. An owakna pinatican i ngara-ngaran ipaojat a si Amang Kasuruan. Si binatang itu makaro'kos pitu wo makasungé sangapulu'.

Wahyu 17:5

An tuintungna pinatican esa ngaran eng kaangéanna ayenepé'. En aipatic tana'i, “Yaku si Babel wangker, inang im pakasa é wéwéné sundal, palemboian im pakasa é léwo' ang kayo'baan.”