Kisah Para Rasul 5:33 - En Taar Weru a nunuwu' é Tontemboan

³³ Kelinga in itu, sé anggota Mahkamah Agama mae'bow keli. Wo séra mawasa e maté sé ruru'du'an itu.

Kisah Para Rasul 5:33 ပူးပေါင်းရင်းမြစ်များ

Matius 1:19

Si Yusuf penanaan i Maria, sia anio' tou sama' até wo ra'ica kiimna mapalawi-lawi' i ngaran i penanaanna an dior é tou keli. Sia mawasa i maene-enep en tumela'u woo si Maria.

Matius 10:21

Wo mamuali oka ka'i, si esa tou sumarakan oka si poowna in esa em patén. Tanu siitu ka'i e mamuali a si esa amang wo sé toyaangna. Sé toyaang ka'i sumundur oka sé matu'a wo maté iséra.

Matius 10:25

Loor sa si esa murit mamuali puté wo si guruna wo si esa ata puté wo si tuangna. Sa si makawalé patuulen im Beelzebul, wopé'taré pakasa sé am balé itu, tantu ngaranan oka éra in lébé wurukai.

Matius 24:9

An tutuw itu kamu ka'i isarakan oka éra en okoien wo patén, pakasa im bangsa masuut oka icamu ampa'paan kamu makiit Yaku.

Lukas 20:19

Kelinga in andéan aicua i Yesus, kailekano é makailek wutul in Torat wo sé kikiiten é imam sapaoka en andéan itu tumuru' iséra. Ampa'paan in ituo asi témpo ituke' raméjin éra in tumangka' Sia, taan caindé' éra sé tou keli.

Lukas 6:11

An tutuw é guru agama Yahudi wo sé tou Farisi itu suméré sapa e niéma' i Yesus, séra mae'bow keli. Wo séra mepaar sapa en émaan éra sa a si Yesus.

Yohanes 15:20

Ta'néieno mangé sapa sé aicua-Kuo ai camu: Si esa ata ra'ica lumébémai wo si tuangna. Sa séra imokoio Yaku, séra ka'i mokoi oka icamu. Sa émaan éra en taar-Ku, émaan éra oka ka'i sé aicua miow.

Yohanes 16:2

Ampa'paan kamu ra'io ka'i iwéé é kikiiten é agama Yahudi maapo' am balé paapo'an éra. Lébé-lébé ka'i maai oka en témpona si séike' e maté icamu, pawerotenna ang karapi i méma' in taniitu niéma'nao eng kasalé'an i Amang Kasuruan.

Kisah Para Rasul 2:37

An tutuw éra luminga waya in itu, en até éra mendam i manesel wo séra mamuéi a si Petrus wo sé ruru'du'an walina, “Poo-poow, sapa réén e musti émaan ami?”

Kisah Para Rasul 22:22

An tutuw lingan é tou Yahudi sa si Amang Kasuruan irumu'du'o si Paulus mangé a sé tou ra'ica Yahudi, sé tou itu tumo'tolo maangko', “Si tou anio' ra'ica patus menonou. Paténo sia!”

Kisah Para Rasul 7:54

An tutuw pakasa en itu lingan é anggota Mahkamah Agama, en até éra sumakit keli. Wo séra mae'bow ai sia ang karapi makare'ket oka em baang.

Kisah Para Rasul 9:23

Lumangkoio im piraan ngando, sé tou Yahudi meroma' mawasa in léwo' e maté si Saulus.