Kisah Para Rasul 5:3 - En Taar Weru a nunuwu' é Tontemboan

³ Wo icua i Petrus, “Ananias, kéitu réén en atému kinawasa i kikiiten é sétang? Ico tumowoo a si Roh Le'nas wo tinangmuke' si sangaperua im bééna in tana' itu.

Kisah Para Rasul 5:3 ပူးပေါင်းရင်းမြစ်များ

Matius 13:19

En lulumbo sé irumongkor an tembir in lalan meputé wo sé tou luminga in taar andumoro' ing Kakolanoan in Sorga, taan ra'ica kaangéan éra. Wo mai si kikiiten é sétang mandét in taar itu si an untep in até éra.

Lukas 22:3

Wo kawasan i kikiiten é sétang si Yudas si patuulen ka'i Iskariot. Sia esaan asé sangapulu' rua murit i Yesus.

Yohanes 13:2

An tutuw i Yesus wo sé murit-Na ang karoro'an i makan im bengi, si kikiiten é sétang icumewito im basa léwo' an até i Yudas Iskariot toyaang i Simon wosama' kumianat a si Yesus.

Yohanes 13:27

Keterima i Yudas i roti itu, en aténa rinasuko i kikiiten é sétang. Icua i Yesus ai sia, “Sapa si casalé'mu émaan, kala'useno taré émaan.”

Kisah Para Rasul 5:2

Wo en doit wééna in tana' itu, awéan sé tinang i Ananias wo awéan en aiwééna a sé ruru'du'an. Pakasa en itu kailekan ka'i i penanaanna.

Kisah Para Rasul 5:4

An tutuw en tana' itu ra'ipé' aiwangkér, en itu kasa in anumu, wo an tutuw ka'i aiwangkéro, en doit wééna in itu ang kakawasaanmu. Kéitu réén en atému mawasa méma' in tanu siitu? Ico ra'ica itumowoke' a sé tou taan itumowoo a si Amang Kasuruan.”

Kisah Para Rasul 5:9

Wo icua i Petrus ai sia, “Kéitu réén kamu in dua meesa e mangepé' si Roh i Casuruan? Sérén angé, sé tou makakuburé' mai si penanaanmu an dioro im papalen. Séra oka ka'i e muléng ico kumesot.”

Yakobus 4:7

Ampa'paano in itu, male'te-le'teko mangé a si Amang Kasuruan wo kiiteno mangé Sia. Sundureno mangé ka'i si kikiiten é sétang, wosama' sia tumayang oka ai camu.

1 Petrus 5:8

Maténga-téngamo wo matéi-téiro mangé kamu! Ampa'paan si kikiiten é sétang si kaséké' miow itu mawaya-waya' tanu si singa mengua-nguang maéré-éré tou en lo'motenna.