Kisah Para Rasul 5:25 - En Taar Weru a nunuwu' é Tontemboan

²⁵ Wo si esa tou mai ai séra wo kumua, “O tuang-tuang, sé tou ayuntep iow am bui, intarépé' ang kintalo im Balé Le'nas. Séra masusui a sé tou keli am bitu.”

Kisah Para Rasul 5:25 ပူးပေါင်းရင်းမြစ်များ

Matius 10:18

Iwali oka éra ka'i kamu an dior é makakawasa wo sé kolano ampa'paan kamu mengakua in andumoro' Yaku. Wo en témpo itu musti pakén iow en sumairi andumoro' Yaku ai séra wo a sé bangsa sé ra'ica makatuus si Amang Kasuruan.

Yohanes 11:46

Taan awéan piraan tou ai séra sé imangé a sé tou Farisi wo isisil éra e niéma' i Yesus itu.

Kisah Para Rasul 3:1

Asi sangando tutuw in jam tiga im bawaando, en témpona ipengasombayang é tou Yahudi, si Petrus wo si Yohanes mangé am Balé Le'nas.

Kisah Para Rasul 5:24

Kelinga in itu, si capala matéir im Balé Le'nas wo sé kikiiten é imam mabingo-bingo oka andumoro' in itu wo séra membum-buéian wo maindé' sapa wona' e mamuali sa.

Kisah Para Rasul 5:26

Kelinga in itu, si capala matéir im Balé Le'nas wo sé tou ipawali-walina mangé am Balé Le'nas wo mindo sé ruru'du'an itu ang karapi in sama' ampa'paan icaindé' éra oréoka séra wangkilen é tou keli im batu.