Kisah Para Rasul 5:20 - En Taar Weru a nunuwu' é Tontemboan

²⁰ “Mangém wo tumulungo ang kintal im Balé Le'nas wo isusuio mangé a sé tou en taar andumoro' ing katouan weru.”

Kisah Para Rasul 5:20 ပူးပေါင်းရင်းမြစ်များ

Matius 10:27

Sapa sé aicua-Ku ai camu ang kerapi im paene-enep, musti mangé cua miow in da'ica ipaene-enep. Wo sapa sé aicewit-Ku an lunteng iow, musti mangé icua miow en itu am bawo im balé.

Matius 21:23

An tutuw i Yesus icateka'o ang kintal im Balé Le'nas wo Sia tumo'tolo sumusui a sé tou, wo mai sé kikiiten é imam wo sé matu'a é tou Yahudi. Wuéien éra, “Maké ing kawasa sapa réén akar ro'na émaan-Mu waya en itu? Si séi réén e iméé ing kawasa itu ai Co?”

Yohanes 12:50

Wo kailekan-Ku em perénta-Na itu makawali sé tou ang katouan akar ing kauré-uré. Ampa'paan in ituo, sapa sé ipakua-Ku meputé wo si aicua i Amang a Yaku.”

Yohanes 17:3

Si anioo eng katouan akar ing kauré-uré: Katuusan éra si Amang, si Amang Kasuruan si wayake' in esa wo wutul, wo makatuus Yaku si Yesus Kristus si ayutuso i Amang.

Yohanes 17:8

ampa'paan en taar sé aicua i Amang a Yaku aicua-Kuo waya ai séra wo tinerimao éra. Wo wutu-wutul kakailekan éra, Yaku mai asi Amang owo wo pinercaya éra, si Amango e mutuso mai Yaku.

Yohanes 18:20

Isowat i Yesus ai sia, “Ang karapi ra'ica ipaene-enep ipemaa-maar-Ku a sé tou keli ang kayo'baan. Wo ipenusu-nusui-Ku am balé-walé paapo'an é agama Yahudi wo am Balé Le'nas, am pali'usan é tou Yahudi. Ra'ica wana en ayenep-Ku.

Yohanes 6:63

Sé tou ra'ica makawoo méma' in owakna menonou akar ing kauré-uré. Wayake' i Roh i Amang Kasuruan e méma' si tou ro'na menonou akar ing kauré-uré. E nunuwu' sé aicua-Ku itu, nunuwu' i Roh-Na wo sé nunuwu' itu iméma' sé tou menonou oka akar ing kauré-uré.

Yohanes 6:68

Isowat i Simon Petrus ai Sia, “Tuang, asi séi oka en angéan ami? Wayake' si Apo' Yesus e mengakua in Taar andumoro' tumambisa kami menonou akar ing kauré-uré.

Kisah Para Rasul 11:14

Sia oka eng kumua in abar e méma' ico wo pakasa sé am pamalému malowir.’

Kisah Para Rasul 13:26

Poo-poowku sé icauntep an taranak i Abraham wo ka'i sé tou ra'ica Yahudi sé maapo' a si Amang Kasuruan! En abar ing kalowiran itu aicuao ai cita im baya.