Kisah Para Rasul 5:2 - En Taar Weru a nunuwu' é Tontemboan

² Wo en doit wééna in tana' itu, awéan sé tinang i Ananias wo awéan en aiwééna a sé ruru'du'an. Pakasa en itu kailekan ka'i i penanaanna.

Kisah Para Rasul 5:2 ပူးပေါင်းရင်းမြစ်များ

Matius 23:5

Pakasa em pengaémaan éra asalo ipapaturu' éra a sé tou. Séra mengapaké in tali sombayang si aipetutu' éra winangkeran toyo' wo e rumbai in juba aipetutu' éra ka'i linambot.

Yohanes 12:6

Aicua i Yudas in taniitu ra'ica ampa'paan sia masalé' tumawang sé tou lengéi taan ampa'paan sia rombit. Sia sumangkum mengaindo in doit kas si pengaéma' ai sia.

Kisah Para Rasul 2:44

Pakasa en tou sé maémano itu tatap meesa wo pakasa en anu i esa wo si esa, anu ka'i éra im baya.

Kisah Para Rasul 4:37

Sia imangkér in umana wo en doit em bééna in umana itu, paalina wo wéé a sé ruru'du'an.

Kisah Para Rasul 5:1

Awéan esa tuama makangaran Ananias wo si penanaanna makangaran Safira. Sia wo si penanaanna imangkér in tana' éra.

Kisah Para Rasul 5:3

Wo icua i Petrus, “Ananias, kéitu réén en atému kinawasa i kikiiten é sétang? Ico tumowoo a si Roh Le'nas wo tinangmuke' si sangaperua im bééna in tana' itu.

Kisah Para Rasul 5:8

Wo icua i Petrus ai sia, “Icua mai a yaku. Wutul réén em bééna in tana' wayake' in tana'i?” Isowat i Safira, “Wutul, em bééna wayake' in taniitu.”

Filipi 2:3

Tioo mengaéma' in sapa-sapake' sé asalo mangéré ing katoronaanke' in owak in esa, kuma'pa mengatirayo in owak in esa. Taan ituru'o eng kako'kosan in até asi esa wo si esa wo weroteno mangé sé tou walina en lébé loorai wo in owak in esa.

1 Timotius 6:10

Icuaku in taniitu ampa'paan, sa sé tou longi' in doit, am bituo en tino'tolan ing kaléwo-léwo'an. Séra ka'i ra'io masalé' kumiit in sususuien i Yesus ampa'paan séra rumaméji masiya'. Wo eng kasiwakanna séra makéré keli kawenduan e méma' in até éra sumakit.