Kisah Para Rasul 5:19 - En Taar Weru a nunuwu' é Tontemboan

¹⁹ Taan asi wengi ituke', si malaékat i Casuruan mai muka' im papalen-papalen im bui wo makawali iséra kumesot. Wo icua i malaékat itu,

Kisah Para Rasul 5:19 ပူးပေါင်းရင်းမြစ်များ

Matius 1:20

Taan ang karoro'an i Yusuf memero-merot im basana itu wo mai si malaékat i Casuruan mapaturu' am pinangipina wo kumua, “Yusuf, taranak i Daud, tioo ko maindé' mindo si Maria mamuali penanaanmu ampa'paan si toyaang am pootna itu asi Roh Le'nas owo.

Matius 1:24

Kekawus in itu si Yusuf mapolo wo émaanna meputé si aiperénta i malaékat i Casuruan itu ai sia. Wo kawéngenna si Maria, mamuali penanaanna,

Matius 2:13

Kewaréng angé é tou majus itu, mapaturu' mai si malaékat i Amang Kasuruan am pangipi i Yusuf wo kumua, “Tumooro, indono si Toyaang itu ang karapi i inang-Na, sumingkiro mangé a Mesir wo mentoo a mangé mbitu akar Aku numuwu' ka'i ai co. Ampa'paan pangérén oka i Herodes si Toyaang itu e maté Sia.”

Matius 2:19

An tutuw i Herodes maté, si malaékat i Amang Kasuruan mapaturu' mai am pinangipi i Yusuf a mangé Mesir.

Matius 28:2

Wo tumarépé'- anke'mai awéan pangéro' repet. Ampa'paan awéan esa malaékat i Casuruan tumumpa an sorga owo mai miléi im batu aipénet ing kubur itu wo sia lumukut am bawo im batu itu.

Lukas 1:11

Wo mapaturu'o mai ai sia si esa malaékat i Amang Kasuruan. Si malaékat itu makatulung ang kakan im paragésan pengatunuan ing kamenyan.

Lukas 2:9

Tumarépé'anke' mapaturu'o mai ai séra si esa malaékat i Amang Kasuruan. Wo en sendot i Amang Kasuruan tumélang iséra, akar séra uli-ulit maindé'.

Kisah Para Rasul 10:3

Asi makasa, wona' jam tiga im bawaando an oras i masombayang, si Kornelius pinapaturu'an am baléna. Asi témpo itu, kaséréanna wutul si esa malaékat i Amang Kasuruan imai ai sia wo tumowa, “Kornelius!”

Kisah Para Rasul 12:23

Asi témpo ituke' si Herodes sepéén i malaékat i Casuruan ampa'paan sia ra'ica rumayo si Amang Kasuruan. Wo en owakna kanen é uler akar i maté.

Kisah Para Rasul 16:26

Tumarépé'anke'mai en tana' mangéro' repet akar en tinuliran im bui mekiito maéro'. Asi témpo itu ka'i pakasa em papalen imawuka' wo ka'i pakasa en ranté aiwa'kes a sé tou am bui mawuka'.

Kisah Para Rasul 27:23

Ampa'paan, kawengi si Amang Kasuruan si paapo'anku wo si makaanu yaku, rumu'du' mai si malaékat-Na mai tumulung an duruku.

Kisah Para Rasul 8:26

Asi makasa, si esa malaékat i Amang Kasuruan rumu'du' si Filipus, “Maya'o méko. Kumiito in lalan an Yerusalem owo maperos éko ang Gaza.” Si lalan itu lulu in tou.