Kisah Para Rasul 5:16 - En Taar Weru a nunuwu' é Tontemboan

¹⁶ Asi témpo itu mai ka'i sé tou keli ang kota-kota walina owo sé menduruan wo en Yerusalem. Wali éra mai sé tou sumakit wo sé tou rinasuk i roh léwo'. Pakasa séra imasama'.

Kisah Para Rasul 5:16 ပူးပေါင်းရင်းမြစ်များ

Matius 2:16

An tutuw kailekano i colano Herodes sapaoka sia niuwako é tou majus, sia mae'bow keli. Wo iru'du'na pira-piraan surarona e mangé maté waya sé toyaang teké' am Betlehem wo in sangkumna, sérao sé toyaang tuama en umur éra ruao ngata'un wo sé ra'ipé' imalekep rua ngata'un, kiit in oras an tutuw sia mamuéi ang karapi i mareti-reti a sé tou majus itu.

Matius 4:24

Wo icaseraro en abar andumoro' i Yesus am pakasa in Siria, ampa'paan in ituo séra mai ai Sia. Wo iwali éra mai pakasa sé tou sé membam-balinaan en sakit, sé mawendu, sé rinasuk é sétang, sé sumakit ayan wo sé késo' wo séra im baya sinama'-Na.

Matius 8:16

An tutuw matawio im bengi, iwali éra mai waya a si Yesus sé tou rinasuk i sétang, wo ang karapi i makasake' numuwu' yusér-Na sé roh léwo' itu wo samaan-Na waya sé tou sumakit.

Lukas 5:17

Asi makasa an tutuw i Yesus masusui, awéan piraan tou Farisi wo sé makailek wutul in Torat makalukut makalinga Sia. Séra mai am pakasa in doong ang Galilea, Yudea wo ka'i an Yerusalem owo. Eng kawasa i Amang Kasuruan awéano a si Yesus en sumama' sé tou sumakit.

Lukas 6:18

Séra mai en luminga in sususuien i Yesus wo i mapasama' in sakit éra. Sé tou rinasuk i sétang ka'i sinama'-Na.

Lukas 9:11

Taan kinailekanke' é tou keli en tampa siningkiran angé i Yesus wo sé murit-Na wo sé tou itu mangé kumiit i Sia. Wo teriman i Yesus sé tou keli itu wo icua-Na ai séra andumoro' i Amang Kasuruan kumawasa tanu kolano wo ka'i sumama' sé tou sumakit.

Yohanes 14:12

En ulitna icua-Ku mangé ai camu, si séike' si maéman a Yaku, émaanna oka ka'i en tuu-tuus kakaya'kaan si meputé wo sé niéma'-Ku. Wo ka'i ro'na kaémaan-Na sé tuu-tuus kakaya'kaan sé wangko' mai wo sé niéma'-Ku itu, ampa'paan Aku maangém a si Amang-Ku.

Kisah Para Rasul 4:30

O Kasuruan wéanai kawasa kami wosama' kami ro'na sumama' sé tou wo ro'na méma' ing kakaya'kaan wo tuu-tuus walina ang karapi i ngaran i Yesus si Ata-Mu le'nas.”

Kisah Para Rasul 5:15

Sé tou sumakit iwali é tou an tembir in lalan wo itekel éra am patekelan wo an tepé. Séra méma' in taniitu wosama' sa si Petrus lumangkoi, sé tou sumakit itu ro'na katenaan im bayangna.

Kisah Para Rasul 5:17

Asi témpo itu, si imam wangko' wo sé tou Saduki sé makii-kiit isia, manganat keli a sé ruru'du'an wo tindaken éra.

1 Korintus 12:9

Winéan ka'i i Roh kamang aitambér a si esa tou e mauli-ulit maéman a si Yesus Kristus. Wo si Roh meputé ka'i méé mai kamang aitambér en sumama' sé tou walina.

Yakobus 5:16

Ampa'paan in ituo, mangakuo mangé ing kamesé-meséaan asi esa wo si esa wo menson-sombayangano mangé wosama' kamu masama'. En sombayang é tou mengaéma' im butul uli-ulit wangko' eng kawasana.