Kisah Para Rasul 5:12 - En Taar Weru a nunuwu' é Tontemboan

¹² Asi témpo itu, kelian tuu-tuus wo kakaya'kaan sé niéma é ruru'du'an an uner é tou keli. Wo pakasa sé tou maéman meesa en até wo tatap mali'us an Lésar Salomo am Balé Le'nas.

Kisah Para Rasul 5:12 ပူးပေါင်းရင်းမြစ်များ

Markus 16:20

Kumawus ako in itu, sé murit i Yesus mangé am bisa-wisa wo mangé kumua in Abar Kaaruien andumoro' i Yesus Kristus, wo si Casuruan tumawoi mewali-wali wo tumawang iséra akar ro'na méma' in tuu-tuus kakaya'kaan, en tumuru' sapaoka en taar aicua éra itu ulit.

Yohanes 10:23

Ang karoro'an i Yesus am Balé Le'nas, Sia mawaya-waya' an lésar i Salomo.

Yohanes 4:48

Icua i Yesus ai sia, “Sa ra'ipé' sinéré miow en tuu-tuus wo eng kakaya'kaan, ra'ipé' percayan iow.”

Kisah Para Rasul 1:14

Séra im baya le'tek mengali'us wo meesa en até mengasombayang. Séra mengasombayang mewali-wali wo sé piraan wéwéné ang karapi i Maria inang i Yesus wo sé poo-poow i Yesus.

Kisah Para Rasul 14:3

Anaé, si Paulus wo si Barnabas mento' uré toyo' am bitu. Wo ang karapi in da'ica wana kaindé'an pengua-ngua éra en abar andumoro' in upus aitambér i Casuruan. Séra in dua winéan-Na kawasa e méma' in tuu-tuus sé ra'io icakua wo kakaya'kaan-kakaya'kaan.

Kisah Para Rasul 16:18

En itu niéma' i wéwéné itu akar im piraan ngando, akar si Paulus ra'io ka'i makalesen. Ampa'paano in itu si Paulus maréng in somoi wo kumua a si roh léwo' si rumasuk si wéwéné itu, “Ang karapi i ngaran i Yesus Kristus peréntanku, kumesot ko ai sia!” Asi témpo ituke' si roh léwo' itu makala'us kumesot asi wéwéné itu.

Kisah Para Rasul 19:11

Si Amang Kasuruan méé kawasa a si Paulus e méma' ing kakaya'kaan sé ra'io icakua.

Kisah Para Rasul 2:46

Wo susur in endo séra le'tek mewali-wali wo meesa en até mengali'us ang am Balé Le'nas. Séra mengaéma' im perjamuan mewali-wali ang karapi in arui wo lekep en até si pagilir am balé-walé.

Kisah Para Rasul 28:9

Kumawusai eng kamamualian itu, sé tou sumakit am pulou itu mai ka'i a si Paulus wo séra ka'i sinama'na.

Kisah Para Rasul 3:11

Si tou késo' si masama'o itu mengii-ngiit oka a si Petrus wo si Yohanes. Wo an tutuw éra in telu cateka' mangé an lésar si pengatuulen ‘Lésar i Salomo’ wo mai sé tou keli sé mangaya-ngaya'ka' itu mali'us ai séra.

Kisah Para Rasul 4:30

O Kasuruan wéanai kawasa kami wosama' kami ro'na sumama' sé tou wo ro'na méma' ing kakaya'kaan wo tuu-tuus walina ang karapi i ngaran i Yesus si Ata-Mu le'nas.”

Kisah Para Rasul 9:33

Am bitu sia meta'up wo si esa tuama, makangaran Eneas. Si Eneas anio' waluo ngata'un asalo oka imakatekel ampa'paan makésoo.

Kisah Para Rasul 9:40

Taan iru'du' i Petrus pakasa séra kumesot. Kumawus in itu sia kumundu wo sumombayang, wo sérénna e mayat wo icuana, “Tabita, tumooro!” Wo si Tabita muka' im beren. Keséréna si Petrus, sia tumoor wo lumukut.

Roma 15:19

wo en tuu-tuus kakaya'kaan sé niéma'ku maké ing kawasa i Roh Le'nas. En Abar Kaaruien andumoro' i Yesus Kristus itu aicuakuo waya a sé tou, tumo'tolai an Yerusalem akar an Ilirikum.

2 Korintus 12:12

An tutuwku mewali-wali wo icamu, sinéréo miow in esa en tuus sapaoka aku anio' ruru'du'an, ampa'paan niéma'kuo sé tuus wo sé kakaya'kaan wo sé pengéma-ngémaan wangko'. Niéma'ku pakasa en itu ang karapi in talesen.

Ibrani 2:4

Wo eng kasairian é tou itu kineter i Amang Kasuruan, ampa'paan séra winéan-Na kawooan iméma' in tuu-tuus wo membam-balinaan kakaya'kaan wo kawasa-kawasa wangko' wo mengawéténg in tatambér si aiwéé i Roh Le'nas kumiit ing kasalé'an i Amang Kasuruan in esa.