Kisah Para Rasul 5:11 - En Taar Weru a nunuwu' é Tontemboan

¹¹ Wo pakasa sé jamaat wo pakasa en tou sé imakalinga in itu, maindé' keli.

Kisah Para Rasul 5:11 ပူးပေါင်းရင်းမြစ်များ

Kisah Para Rasul 19:17

Pakasa sé tou Yahudi wo sé tou ra'ica Yahudi an Efesus makalinga ing kamamualian itu. Kelinga in itu wo séra maindé' wo marayo-rayo i ngaran i Apo' Yesus.

Kisah Para Rasul 2:43

Asi témpo itu, sé ruru'du'an itu iméma' kelian tuus kakaya'kaan wo tuu-tuus sé ra'io icakua en tumuru' ing kakawasaan i Casuruan, akar pakasa en tou maindé' wo sumiri' si Amang Kasuruan.

Kisah Para Rasul 5:5

Kelinga i Ananias in itu, sia icarepa an tana' wo maté. Wo pakasa en tou sé iluminga ing kamamualian itu, maindé' keli.

Kisah Para Rasul 9:31

Wo pakasa sé jamaat an Yudea, ang Galilea wo an Samaria menonou meelu-eluran. Wo em paémanen éra maketer wo séra menonou masiri' si Amang Kasuruan, wo séra ka'i makaawes eng kakeli ampa'paan tinawang wo paiboren i Roh Le'nas.

Filipi 2:12

Poo-poow sé icaupusku! Kailekanku an tutuwku ang karapi miow, kamu tatap le'tek a yaku. Taniitu ka'i intarépé' an tutuwku mentayangan wo icamu, pangilekenku tatap tawoien angé ang karapi mauli-ulit eng kalowiran iow wo ang karapi wuta ing kaindé'an a si Amang Kasuruan, wo menonou angé kiit in sapa si patus émaan é tou sé linowir-Nao.

Ibrani 11:7

Ampa'paan si Nuh awéan paémanen, sia kinuanan i Amang Kasuruan sapa sé mamuali oka sa, sé ra'ipé' sumangkum ako sinéréna, wo ang karapi ing katale'tekanna émaanna esa kapal wangker en lumowir sé pamaléna asi sonop wangko'. Wo in taniitu ituru'na sapaoka sé tou ang kayo'baan patus ukumen, wo sia in esa tinerima i Amang Kasuruan tanu tou nianggap wutul ampa'paan im paémanenna.

Ibrani 12:15

Mareti-retio mangé oréoka awéan esaan ai camu kumélong in upus aitambér i Amang Kasuruan. Ampa'paan sa awéan tou tanu siitu, sia mamuali tanu in tinanem racung an uner iow akar méma' ing kasusaan wo en racungna luméwo' sé tou keli.

Ibrani 12:28

Anaé, kita mamualio tou ang kakolanoan si ra'ica toro yéro', ampa'paano in itu mayoo kita kumua makapulu'sama' a si Amang Kasuruan, wo maapo' mangé ai Sia ang karapi in siri' wo wuta ing kaindé'an iciit en casalé'-Na.

Ibrani 4:1

Aijanji i Amang Kasuruan sapaoka sé tou maéman muntep oka an tampa pengaenaan e mena' mewali-wali wo Sia. Wo en janji itu awéané' akar intarépé'. Ampa'paan in ituo mareti-retio mangé oréoka awéan esaan ai camu ra'ica muntep asi tampa pengaenaan itu.

1 Petrus 1:17

An tutuw iow mengasombayang a si Amang Kasuruan, Sia patuulen iow “Amang”. Siao e maakim sé tou kumiit im pinengaéma'na, ra'ica maséré ing gio. Ampa'paano in itu, siriino mangé Sia ang kauré miow menonou asi kayo'baan anio' tanu tou sé asalo imanangkéi.

Wahyu 15:4

Si séi réén si ra'ica maindé' ai Co, o Kasuruan? Si séi réén si ra'ica rumayo i ngaran-Mu? Ampa'paan wayake' Ico si le'nas. Pakasa im bangsa mai oka kumuru en sumiri' ai Co, ampa'paan sinéré érao em pakaakim-Mu waya wutul.”