Kisah Para Rasul 4:7 - En Taar Weru a nunuwu' é Tontemboan

⁷ Si Petrus wo si Yohanes isaru an dior in sidang itu. Wo tumo'tolo séra memué-muéi ai séra in dua, “Ang karapi réén ing kawasa i séi wo maké i ngaran i séi, akar kamu méma' waya in itu?”

Kisah Para Rasul 4:7 ပူးပေါင်းရင်းမြစ်များ

Matius 21:23

An tutuw i Yesus icateka'o ang kintal im Balé Le'nas wo Sia tumo'tolo sumusui a sé tou, wo mai sé kikiiten é imam wo sé matu'a é tou Yahudi. Wuéien éra, “Maké ing kawasa sapa réén akar ro'na émaan-Mu waya en itu? Si séi réén e iméé ing kawasa itu ai Co?”

Markus 11:28

Wuéien éra a si Yesus, “Maké ing kawasa sapa réén akar ro'na émaan-Mu waya en itu? Wo si séi réén e iméé ing kawasa itu ai Co?”

Yohanes 2:18

Wo Sia sunduren é kikiiten agama é Yahudi, “Ang karapi ing kawasa i séi réén Ico méma' in tanu siitu? Sa Ico awéan kawasa asi Amang Kasuruan owo, émaano mai eng kakaya'kaan tanu tuus ai cami.”

Yohanes 8:3

An tutuw i Yesus masusui, imayo sé makailek wutul in Torat wo sé tou Farisi. Iwali éra mai si esa wéwéné si kinaumaan mengaéma' in sina.

Yohanes 8:9

An tutuw éra luminga sapa sé aicua-Na itu, séra tumo'tol asé matu'a keli maesa-esa tumela'u in tampa itu. Wo tumela'uio' si Yesus oka in esa wo si wéwéné itu si makatulung an dior-Na.

Kisah Para Rasul 4:10

musti kailekan iow im baya wo sé tou Israel, sapaoka si tou anio' imasama' ampa'paan ing kawasa i Yesus Kristus si tou Nazaret si aisalip iow, taan tinou sumawel i Amang Kasuruan an uner é tou imaté. Wo ampa'paano si Yesus ituo, akar si tou anio' imasama' wo ro'na makatulung an dior iow.

Kisah Para Rasul 4:6

An sidang itu, lumili ka'i mai si imam wangko' Hanas wo si Kayafas, si Yohanes wo si Aleksander wo sé tou walina sé icauntep an taranak é imam wangko'.

Kisah Para Rasul 4:8

Si Petrus si kinawasa i Roh Le'nas sumowat ai séra, “Éi, kikiiten wo matu-matu'a é tou Yahudi!

Kisah Para Rasul 5:40

Wo towan éra sé ruru'du'an itu wo tepian éra. Wo pinéro éra ka'i sé ruru'du'an itu wosama' ra'io sumusui maké i ngaran i Yesus. Kumawus ako itu iwekar éra sé ruru'du'an itu.