Kisah Para Rasul 4:36 - En Taar Weru a nunuwu' é Tontemboan

³⁶ Taniitu ka'i si Yusuf taranak i Lewi si tumou an Siprus. Sia pengatowan é ruru'du'an ‘Barnabas’, eng kaangéanna ‘tou mengawéé ing kaketeran a sé tou walina’.

Kisah Para Rasul 4:36 ပူးပေါင်းရင်းမြစ်များ

Markus 3:17

si Yakobus wo si tuarina Yohanes toyaang i Zebedeus, séra in dua ningaranan-Na ka'i Boanerges eng kaangéanna toyaang in erut,

Kisah Para Rasul 11:30

Kumawusai séra sumuun roit, wo ru'du' éra si Barnabas wo si Saulus e maali in doit itu a sé penatua an Yudea.

Kisah Para Rasul 12:25

An tutuw i Barnabas wo si Saulus sumarakano in doit ipatawang an Yerusalem wo séra maréng sumawel an Antiokhia. Awéan esa tou si kumiit mewali-wali mai wo iséra an Yerusalem owo. Si tou itu makangaran Yohanes, si pengatuulen ka'i i Markus.

Kisah Para Rasul 13:1

An jamaat Antiokhia, awéan piraan nabi wo awéan ka'i sé masusui in Taar i Amang Kasuruan. Séra itu si Barnabas, si Simeon si pengatuulen Wuring, si Lukius si tou Kirene, Menahem si pinewangko' mewali-wali wo si colano Herodes, wo ka'i si Saulus.

Kisah Para Rasul 13:15

Kekawus i maca in ukum Torat wo ing kitap é nabi, sé kikiiten am balé paapo'an itu rumu'du' tou eng kumua a si Paulus wo si Barnabas tana'i, “Poo-poow, sa awéan ai camu e méé sina'u eng kumeter im paémanen é tou anio', icuao mai!”

Kisah Para Rasul 13:2

Asi makasa, an tutuw éra mapuasa wo maapo' a si Amang Kasuruan, e Roh Le'nas kumua ai séra, “Tanéo mangé si Barnabas wo si Saulus e méma' in tawoien si aitantu-Kuo ai séra in dua.”

Kisah Para Rasul 13:4

Ampa'paan airu'du' i Roh Le'nas si Barnabas wo si Saulus mangé an Seleukia, wo am bitu oka séra suméngkot angé am pulou Siprus.

Kisah Para Rasul 15:12

Kelinga in itu, pakasa sé tou am bitu makala'us menes. Wo lingan éra si Paulus wo si Barnabas sumisil andumoro' im pakasa in tuu-tuus sé ra'io icakua wo sé kakaya'kaan sé niéma' éra ampa'paano ing kawasa i Amang Kasuruan an uner é tou ra'ica Yahudi.

Kisah Para Rasul 15:2

Taan en aicua éra itu wutu-wutul aicélong wo sinangkal i Paulus wo si Barnabas. Ampa'paano in itu sé jamaat an Antiokhia musé' e rumu'du' si Paulus, si Barnabas wo piraan tou walina maangé an Yerusalem e meta'up wo sé ruru'du'an, wo sé penatua e mepaar andumoro' im perkara itu.

Kisah Para Rasul 15:37

Kelinga in itu wo énan i Barnabas wo ka'i icasalé'na e makawali si Yohanes si patuulen ka'i Markus.

Kisah Para Rasul 15:39

Siituo e iméma' iséra in dua meindo-indoan roma', akar séra metané. Wo iwali i Barnabas si Markus en suméngkot angé an Siprus.

Kisah Para Rasul 21:16

Wo awéan piraan tou maéman ang Kaisarea kumiit ka'i wo icami. Iwali éra kami mangé am balé i esa tou makangaran Manason wosama' kami mento' am bitu. Si Manason itu am pulou Siprus owo, wo uréo maéman a si Yesus.

Kisah Para Rasul 21:3

Wo kaséréan ami em pulou Siprus ang ka'biri, taan kami ra'ica itumuli am bitu. Eng kapal sinakéan ami melala'uske' mangé an Tirus an Siria, ampa'paan em barang-barang ang kapal musti itumpa am bitu.

Kisah Para Rasul 27:4

Am bituke' kami suméngkot sumawel. Taan an tutuw itu oras in awaat anaé kami suméngkot masu'suk in deges, anaé kami mengii-ngiit in tembir im pulou Siprus wosama' eng kapal ami ra'ica su'suken in deges itu.

Kisah Para Rasul 9:27

Taan awéan esa tou makangaran Barnabas, terimana si Saulus wo iwalina mangé a sé ruru'du'an i Yesus. Isisilna ai séra tambisa si Saulus suméré si Yesus an uner im bawayaan wo tambisa si Casuruan mapaar wo sia wo ka'i tambisa sia ra'ica maindé' masusui a sé tou keli an Damsyik andumoro' i Yesus.

1 Korintus 14:3

Taan sa si esa tou awéano kamang tatambér eng kumua in taar i Amang Kasuruan, ipakuana en itu a sé tou e méé ing kaketeran, méé kaincayaan wo sumina'u iséra, wo ka'i mibor iséra.

1 Korintus 9:6

Kuma'pa wayake' réén yaku wo si Barnabas e musti mangéré sé paperlun ami susur in endo?

Galatia 2:1

Kekawusai in sangapulu' epat ngata'un lumangkoi, yaku mangé sumawel an Yerusalem ang karapi i Barnabas, wo si Titus iwaliku ka'i.

Galatia 2:13

Sé tou Yahudi walina an Antiokhia, tutuw éra suméré sé tou Yahudi mai an Yerusalem owo, séra ka'i kumiit ing kapunekan i Kefas, séra ra'io kiim ka'i kuman mewali-wali wo sé tou ra'ica Yahudi itu. Taniitu ka'i wo si Barnabas kinatawéran éra wo mekiit ing kapunekan éra.

Galatia 2:9

Si Yakobus, si Kefas, si Yohanes sé nianggap kikiiten kumataré-taré an jamaat an Yerusalem, an tutuw éra isuméré in upus aitambér i Amang Kasuruan a yaku, séra membéan ing kama a yaku wo si Barnabas tanu tuus séra imeesao wo icami. Wo séra wo icami mengkakiitano sapaoka kami melala'us tumawoi torona é tou ra'- ica Yahudi wo séra in telu kasake' tumawoi torona é tou Yahudi.

Kolose 4:10

Si Aristarkhus, si binui mewali-wali wo yaku méé ka'i mai in siri' ai camu taniitu ka'i si Markus, si toyaang metuari wo si Barnabas. Andumoro' si Markus anio' sumangkumo aicuaku ai camu sapaoka sa sia maai, terimano mangé sia ang karapi in sama'.