Kisah Para Rasul 4:29 - En Taar Weru a nunuwu' é Tontemboan

²⁹ Wo intarépé' é Kasuruan, séréno mai tambisa séra mangindé-ngindé' icami, wéanai kabranian kami ata-ata-Mu eng kumua in Taar-Mu.

Kisah Para Rasul 4:29 ပူးပေါင်းရင်းမြစ်များ

Kisah Para Rasul 13:46

Taan ang karapi in da'ica wana kaindé'an, icua i Paulus wo si Barnabas, “Mémang wutul, en Taar i Amang Kasuruan itu musti icuao owo ai camu. Taan ra'ica kiim iow mercaya, kamu mawerot en owak iow ra'ica patus makéré ing katouan akar ing kauré-uré. Ampa'paano in itu, kamu itela'u ami wo kami maangé a sé tou ra'ica Yahudi eng kumua in taar i Casuruan itu.

Kisah Para Rasul 14:3

Anaé, si Paulus wo si Barnabas mento' uré toyo' am bitu. Wo ang karapi in da'ica wana kaindé'an pengua-ngua éra en abar andumoro' in upus aitambér i Casuruan. Séra in dua winéan-Na kawasa e méma' in tuu-tuus sé ra'io icakua wo kakaya'kaan-kakaya'kaan.

Kisah Para Rasul 19:8

Telu ngaserap eng kauréna, si Paulus mengauntep am balé paapo'an é agama Yahudi. Am bitu sia maroma' ang karapi in da'- ica wana kaindé'an wo meindo-indoan roma' wo sé tou Yahudi wosama' percayan éra andumoro' ing kakolanoan i Amang Kasuruan.

Kisah Para Rasul 26:26

Si aicuaku a si tuang kolano kailekan waya i tuang. Ampa'paano in itu yaku ra'ica maindé rumoma' ang karapi ra'ica ipaene-enep an dior i colano. Percayanku ra'ica wana mandé esake' sé aicuaku wo ra'ica kailekan i colano, ampa'paan pakasa en itu imamuali an dior é tou keli.

Kisah Para Rasul 28:31

Si Paulus masusui in abar andumoro' i Amang Kasuruan Kumawasa tanu Kolano wo ipasusuina ka'i ai séra andumoro' i Apo' Yesus Kristus. Sia masusui a sé tou ang karapi in da'ica wana eng kaindé'an wo ra'ica wana e mangapéro.

Kisah Para Rasul 4:13

Wo sé tou isumidang im perkara itu mangaya'ka' an tutuw suméré si Petrus wo si Yohanes brani keli, ampa'paan kailekan éra sapaoka sé rua tou itu tou biasa wo ra'ica sumicola, wo kailekan éra sé rua tou itu makiit si Yesus.

Kisah Para Rasul 4:21

Kelinga in itu, sé tou an sidang itu makarepetke' taré mangindé' si Petrus wo si Yohanes. Taan iwekar éra sé rua ruru'du'an itu ampa'paan ra'ica kailekan éra sapa en ukuman iwéé ai séra wo ka'i maindé' a sé tou keli am bitu sé marayo-rayo si Amang Kasuruan ampa'paan si tou késo' si masama'o itu.

Kisah Para Rasul 4:31

Makasombayangai séra, en tampa lini'usan éra itu mangéro'. Wo séra kawasan i Roh Le'nas wo tumo'tolo makua in Taar i Amang Kasuruan ang karapi wuta ing kabranian.

Kisah Para Rasul 9:27

Taan awéan esa tou makangaran Barnabas, terimana si Saulus wo iwalina mangé a sé ruru'du'an i Yesus. Isisilna ai séra tambisa si Saulus suméré si Yesus an uner im bawayaan wo tambisa si Casuruan mapaar wo sia wo ka'i tambisa sia ra'ica maindé' masusui a sé tou keli an Damsyik andumoro' i Yesus.

Kisah Para Rasul 9:28

Si Saulus mento' mewali-wali wo iséra an Yerusalem. Am bitu sia masusui in andumoro' i Apo' Yesus karapi in da'ica wana kaindé'an.

1 Korintus 14:13

Ampa'paan in ituo, si tou maroma' mapaké i nunuwu' i Roh, sia musti sumombayang a si Amang Kasuruan wosama' sia ro'na tambéranai ing kamang makua ing kaangéan i nunuwu' i Roh itu.

2 Korintus 3:12

Ampa'paan kami makaanu in arapan tanu siitu, kami ra'ica maindé' en tumindak.

Filipi 1:14

Wo ka'i ampa'paano aku binui, makakelio taré sé poo-poowta maéman am bia'i makaketer em paémanen a si Apo' Yesus akar séra ra'io wana eng kaindé'anai mengakua in Taar i Casuruan.

1 Tesalonika 2:2

Kailekan iow ka'i, an tutuw ami ra'ipé' mai ai camu, kami niokoio wo aiséroo an Filipi. Taan mandé ka'i in taniitu kami tinawango i Amang Kasuruan wosama' kami ra'ica wana eng kaindé'an eng kumua in Abar Kaaruien-Na ai camu.

2 Timotius 4:17

Taan mandé ka'i aku aitela'u éra, si Casuruan kasake' ang karapiku. Kineter-Na mai aku wosama' aku ro'na kumua in Abar Kaaruien andumoro' i Yesus Kristus a sé tou ra'ica Yahudi ang karapi i makakii-kiit. Wo iwekar-Na ka'i aku am pakasa sé kaléwo-léwo'an, tanuoka aku icawekar am ba'ba' i singa.