Kisah Para Rasul 4:27 - En Taar Weru a nunuwu' é Tontemboan

²⁷ En aicua i Daud wutul imamualio ang kota anio'. Ampa'paan si Herodes, si Pontius Pilatus, sé tou ra'ica Yahudi, wo sé tou Israel imali'uso en sumundur si Yesus, si Ata Le'nas i Casuruan, Siao si Mesias.

Kisah Para Rasul 4:27 ပူးပေါင်းရင်းမြစ်များ

Matius 14:1

Asi témpo itu, en abar andumoro' i Yesus kinalingaano i Herodes, kolano an sangkum ing Galilea.

Matius 14:3

Icua i Herodes in taniitu ampa'paan indior siao e rumu'du' tumangka' si Yohanes, ipapawa'kesna wo ipapauntepna am bui ampa'paan si Herodias penanaan i Filipus tuarina niindo i Herodes mamuali penanaanna.

Matius 14:6

Taan asi endo tuma'néi ing ketou i Herodes, si toyaang wéwéné i Herodias maéngké an dior é sakéi wo mengaarui in até i Herodes,

Matius 21:28

“Wo sa iciit icamu, tambisa andumoro' in andéan anio'? Awéan esa amang makatoyaang rua tuama. Asi makasa sia mangé a si toyaangna luluna, wo icuana, ‘Toyaangku, asi endo anio' ico mangéo tumawoi an uma in anggor.’

Matius 23:37

“Éi tou Yerusalem! Pinaté miow sé nabi, wo ka'i winangkil iow im batu sé tou ayutusai i Amang Kasuruan. Makapirao Aku masalé' lumi'us icamu im baya mai anduru-Ku, meputé si inang é ko'ko' lumi'us sé sisina an darem in tétéléwna. Taan ra'ica kiim iow.

Matius 27:2

Wa'kesen éra Sia wo iwali éra mangé en isarakan a si Pilatus, si gubernur am bitu.

Markus 10:33

“Intarépé' kita maangé an Yerusalem wo si Toyaang i Tou isarakan oka a sé kikiiten é imam wo a sé makailek wutul in Torat, wo wéan oka éra ukuman im patén Sia. Isarakan éra oka Sia a sé bangsa ra'ica Yahudi,

Markus 15:31

Taniitu ka'i sé kikiiten é imam wo sé makailek wutul in Torat maséro' Sia. Séra wo i séra mengkuanan, “Sé tou walina ro'na lowiren-Na, taan en owak-Na in esa ra'ica kalowiran-Na!

Lukas 1:35

Isowat i malaékat itu ai sia, “E Roh Le'nas maai oka ai co wo eng kawasa i Amang Kasuruan Si Rumangka-rangka' maai lumoindong oka ico. Ampa'paano in itu si toyaang tumou ai ico itu sa, Le'nas wo pengatuulen oka Toyaang i Amang Kasuruan.

Lukas 22:63

Wo sé tou matéir im Balé Le'nas sé itumang si Yesus, para'- i-ra'ien éra Sia wo ka'i parukin éra.

Lukas 23:1

Wo pakasa é tou sé kumiit in sidang itu tumulung wo iwali éra mangé si Yesus saru a si gubernur Pilatus.

Lukas 4:18

“E Roh i Amang Kasuruan a Yakuo ampa'paan Aku sinisir-Nao eng kumua in Abar Kaaruien a sé tou lengéi, wo Yaku ka'i ayutuso i Amang Kasuruan eng kumua a sé tou tana'i: sé tou ayuntep am bui iwekar-Na oka, sé tou wola émaan-Na oka ro'na maséré, sé tou paoko-okoien émaan-Na oka icawekar,

Lukas 9:22

Kumawus in itu icua i Yesus ka'i, “Si Toyaang i Tou musti sumangkum oka ing kelian kawenduan wo Sia ra'ica tinerima é matu'a é tou Yahudi, sé kikiiten é imam wo sé makailek wutul in Torat. Sia patén éra oka, taan asi endo katelu touen sumawel i Amang Kasuruan.”

Yohanes 1:11

Sia mai a sé tou-Na Yahudi taan Sia ra'ica tinerima éra.

Yohanes 10:36

kéitu réén ipakua miow Aku maojat si Amang Kasuruan, tutuw-Ku makua Yaku anio' Toyaang i Amang Kasuruan? Yaku si sinisir-Na wo ayutus-Na mai ang kayo'baan.

Yohanes 18:28

Asi Woondona mai imamoondopé' keli, iwali éra si Yesus am balé owo i Kayafas, wo mangé an istana i gubernur Romawi. Taan sé kikiiten é tou Yahudi itu ra'ica mekiit muntep an untep in istana itu ampa'paan paweroten é tou Yahudi najis em balé é tou ra'ica Yahudi. Ra'ica kiim éra numajis in owak éra, ampa'paan asi endo itu séra musti kuman ing kakanen Paska.

Yohanes 18:29

Ampa'paan in ituo si gubernur Pilatus kumesot wo meta'up wo iséra. Sia mamuéi, “Sapa réén en aitudu miow a si Tou anio'?”

Yohanes 19:34

Taan esaan asé suraro itu tumopok im petic i Yesus maké wengkow, wo makala'us kumesurai en enda' wo en dano.

Kisah Para Rasul 10:38

Kailekan iow ka'i sapaoka si Amang Kasuruan imééo i Roh Le'nas wo eng kawasa-Na a si Yesus tou Nazaret, Sia mangé am bisa-wisa wo méma' sé loor wo sumama' pakasa in tou sé kinawasao i kikiiten é sétang ampa'paan si Amang Kasuruan mewali-wali wo Sia.

Kisah Para Rasul 2:27

Ampa'paan ra'ica iwaya i Casuruan aku mento' melala'us ang kakawasaan im papaté, wo ra'ica iwaya i Casuruan en owak i Tou-Na Le'nas mawuruk an untep ing kubur.

Kisah Para Rasul 4:30

O Kasuruan wéanai kawasa kami wosama' kami ro'na sumama' sé tou wo ro'na méma' ing kakaya'kaan wo tuu-tuus walina ang karapi i ngaran i Yesus si Ata-Mu le'nas.”

Ibrani 7:26

Anaé, si Yesus ituo si Imam Wangko' si paperlunta. Sia itu le'nas, Sia ra'ica wana kaséaan wo ra'ica wana e ro'na méé kaséaan. Sia aitané asé tou sé iméma' ing kamesé-meséaan, wo niangkai angé asi tampa pasiri-siriin an sorga.