Kisah Para Rasul 4:19 - En Taar Weru a nunuwu' é Tontemboan

¹⁹ Taan isowat i Petrus wo si Yohanes ai séra, “Icamuo en tumantu si wisa si wutul an dior i Amang Kasuruan, le'tek am perénta é tuang kuma'pa le'tek am perénta i Amang Kasuruan.

Kisah Para Rasul 4:19 ပူးပေါင်းရင်းမြစ်များ

Matius 22:21

Isowat éra, “Gambar wo ngaran i Kaisar.” Wo icua-Na ai séra, “Sa taniitu, iwééo a si Kaisar sapa si musti iwéé miow a si Kaisar, wo iwééo a si Amang Kasuruan sapa si musti iwéé miow a si Amang Kasuruan.”

Lukas 22:8

Wo iru'du' i Yesus si Petrus wo si Yohanes, icua-Na, “Mangém kamu wo itu'tulo mio' kakanen eng kanenta mewali-wali am perjamuan Paska anio'.”

Yohanes 7:24

Tioo maakim in tou kumiit sapa sé pakasérénke' ang kesot wo sé lininga miow, taan akimeno ang karapi in da'ica marapit.”

Kisah Para Rasul 4:13

Wo sé tou isumidang im perkara itu mangaya'ka' an tutuw suméré si Petrus wo si Yohanes brani keli, ampa'paan kailekan éra sapaoka sé rua tou itu tou biasa wo ra'ica sumicola, wo kailekan éra sé rua tou itu makiit si Yesus.

Kisah Para Rasul 5:28

“Repeto eng kepéro ami ai camu wosama' kamu ra'io toro masusui andumoro' i Tou itu. Taan aiseraro miow en sususuien am pakasa in tampa an Yerusalem. Wo ka'i tinudu miow sapaoka, ampa'paano icami si Tou itu maté.”

Kisah Para Rasul 5:29

Wo isowat i Petrus wo sé ruru'du'an walina, “Kita musti male'te-le'tek a si Amang Kasuruan, ra'ica a sé tou.

1 Korintus 10:15

Ipakuaku andumoro' sé anio' ai camu ampa'paan kailekanku sapaoka kamu tou awéan kapinteran. Anaé, camu oka in esa e merot sé ipakuaku anio' wutul kuma'pa ra'ica.

2 Korintus 4:2

Ra'ica kiim ami iméma' in tawoien anio' maké ing kanaramen sé ipaene-enep wo sé kalawiin. Wo ra'ica kiim ami matawoi ang karapi imauwak wo mengasélé'kow in Taar i Amang Kasuruan. Taan sé ipakua ami andumoro' sé wutul an dior i Casuruan, wo in taniitu icami maarap wosama' pakasa in tou numilai sumama-sama' ai cami an dior i Amang Kasuruan iciit in até weresi éra.

Efesus 6:1

Éi toya-toyaang, kiitenno mangé em perénta é matu'a miow ampa'paan kamu maémano a si Casuruan. Siituo em butul sé patus pengaémaan iow.

1 Timotius 2:3

Siituo en loor wo maarui in até-Na, si Lumolowirta,

Ibrani 11:23

Ampa'paan sé matu'a i Musa awéan paémanen, kekawus i Musa itumou, sia ayenep é matu'ana telu ngaserap eng kauréna, ampa'paan sérén éra sapaoka si toyaang itu makagio pasung wo séra ra'ica maindé' im perénta i colano.

Yakobus 2:4

E niéma' miow itu mamualio tuus sapaoka ra'ica pengapeputén iow masiri' in tou wo tanu mamualio akim ang karapi i mawasa in léwo'.