Kisah Para Rasul 4:17 - En Taar Weru a nunuwu' é Tontemboan

¹⁷ Tana'io, wosama' si papaaren anio' ra'ica lébé icaserar a sé tou keli, aweso taré pangindéénta wo péronenta séra wosama' ra'io maroma' a sé tou andumoro' i ngaran i Yesus.”

Kisah Para Rasul 4:17 ပူးပေါင်းရင်းမြစ်များ

Matius 27:64

Ampa'paano in itu, pekiupusen ami, ru'du'o mangé suraro en tuméir ing kubur i Yesus akar asi endo katelu. Sa ra'ica téiran, e mayat-Na ro'nake' mai rombiten é murit-Na wo ipakua-kua éra oka a sé tou sapaoka si Yesus itumou sumawel an uner é tou imatéo. Eng kasiwakana, lébé keli ka'i en tou sé sumélé'kow oka, wo an tutuw-Na imenonou.”

Matius 9:30

Asi témpo ituke' séra ro'nao maséré. Wo ang kerapi in depet ilupu-Na ai séra, “Tioo ipakua-kua a si séike' mangé tumambisa em beren iow ro'na maséré.”

Yohanes 15:21

Taan séra mokoi oka icamu, ampa'paan kamu makiit Yaku. Niéma' éra in taniitu ampa'paan Si Amang si mutusai Yaku ra'ica katuusan éra.

Kisah Para Rasul 4:21

Kelinga in itu, sé tou an sidang itu makarepetke' taré mangindé' si Petrus wo si Yohanes. Taan iwekar éra sé rua ruru'du'an itu ampa'paan ra'ica kailekan éra sapa en ukuman iwéé ai séra wo ka'i maindé' a sé tou keli am bitu sé marayo-rayo si Amang Kasuruan ampa'paan si tou késo' si masama'o itu.

Kisah Para Rasul 5:24

Kelinga in itu, si capala matéir im Balé Le'nas wo sé kikiiten é imam mabingo-bingo oka andumoro' in itu wo séra membum-buéian wo maindé' sapa wona' e mamuali sa.

Kisah Para Rasul 5:28

“Repeto eng kepéro ami ai camu wosama' kamu ra'io toro masusui andumoro' i Tou itu. Taan aiseraro miow en sususuien am pakasa in tampa an Yerusalem. Wo ka'i tinudu miow sapaoka, ampa'paano icami si Tou itu maté.”

Efesus 6:9

Éi tuang-tuang, kamu musti ka'i sama' a sé ata miow. Tioo pengaetengan iow séra akar séra maindé' ai camu. Ta'néieno mangé sapaoka kamu wo sé ata miow puté-puté makaanu esa tuang, Siao si Casuruan si an sorga, Sia ra'ica mengasisir in tou.

1 Tesalonika 1:8

Ampa'paan en taar i Casuruan icaseraro tumo'tolo mai ai camu wo akar an sangkum i Makedonia wo ra'ica am bituke' taan imakaro ka'i an sangkum in Akhaya. Wo ra'ica asaloke' andumoro' in taar pengakua miow taan ka'i en abar andumoro' im paémanen iow a si Amang Kasuruan icaseraro am pakasa in tampa. Ampa'paan in ituo kami ra'io wana torona eng kumua in sapa-sapa, ampa'paan pinalingao é tou em paémanen iow.

1 Petrus 2:23

An tutuw Sia ipawa'ba' é tou, ra'ica kiim-Na sumuli' imawa'ba' iséra. An tutuw Sia pengaokoien, ra'- ica kiim-Na in sumundur. Taan Sia isumarakanke' in owak-Na a si Amang Kasuruan, si Akim si ra'ica marapit.