Kisah Para Rasul 4:13 - En Taar Weru a nunuwu' é Tontemboan

¹³ Wo sé tou isumidang im perkara itu mangaya'ka' an tutuw suméré si Petrus wo si Yohanes brani keli, ampa'paan kailekan éra sapaoka sé rua tou itu tou biasa wo ra'ica sumicola, wo kailekan éra sé rua tou itu makiit si Yesus.

Kisah Para Rasul 4:13 ပူးပေါင်းရင်းမြစ်များ

Matius 11:25

An tutuw itu si Yesus sumombayang, “O Amang Kasuruan si makakawasa in langit wo ing kayo'baan! Yaku kumua i makapulu'sama' ampa'paan ra'ica aituru' i Amang pakasa sé andumoro' in itu a sé tou sé mengapaké ing kapinteran wo a sé tou pandéi, taan aituru' i Amang a sé tou en aténa tanu toyaangé' teké'.

Matius 26:71

Wo si Petrus mangé am papalen wangko'. Am bitu ka'i sia kaséréan i ata wéwéné walina wo icua i ata itu a sé tou am bitu, “Si tou anio' ka'i mewali-wali wo si Yesus, si tou Nazaret itu.”

Matius 26:73

Ra'ica mento' uré, sé tou am bitu mai a si Petrus wo kumua, “Tantu ko ka'i esaan ai séra, en tuusna kailekan ami am pakaroma'mu.”

Lukas 22:8

Wo iru'du' i Yesus si Petrus wo si Yohanes, icua-Na, “Mangém kamu wo itu'tulo mio' kakanen eng kanenta mewali-wali am perjamuan Paska anio'.”

Yohanes 19:26

An tutuw i Yesus makaséré si inang-Na wo si murit icaupus-Na makatulung an duruna, kumuao Sia a si inang-Na, “Inang, si anioo si toyaangmu!”

Yohanes 7:15

Sé kikiiten é agama Yahudi mangaya-ngaya'ka' luminga in sususuien i Yesus wo icua éra, “Tambisa si Tou anio' taniitu eng kakeli eng kakailekan andumoro' ing Kitap Le'nas? Si Tou anio' ra'ica sumicola tanu icita.”

Yohanes 7:49

Taan sé tou keli itu mercayao Sia, ampa'paan ra'ica kailekan éra en ukum Torat. Iwayao mio' séra itu kutuken i Amang Kasuruan!”

Kisah Para Rasul 4:14

Taan sé tou itu ra'io toro kumua sapa-sapa en sumangkal iséra in dua, ampa'paan pakaséréno é tou itu, si tou imasama'o itu makatulungo an duru é rua ruru'du'an itu.

Kisah Para Rasul 4:19

Taan isowat i Petrus wo si Yohanes ai séra, “Icamuo en tumantu si wisa si wutul an dior i Amang Kasuruan, le'tek am perénta é tuang kuma'pa le'tek am perénta i Amang Kasuruan.

Kisah Para Rasul 4:29

Wo intarépé' é Kasuruan, séréno mai tambisa séra mangindé-ngindé' icami, wéanai kabranian kami ata-ata-Mu eng kumua in Taar-Mu.

Kisah Para Rasul 4:31

Makasombayangai séra, en tampa lini'usan éra itu mangéro'. Wo séra kawasan i Roh Le'nas wo tumo'tolo makua in Taar i Amang Kasuruan ang karapi wuta ing kabranian.

Kisah Para Rasul 9:27

Taan awéan esa tou makangaran Barnabas, terimana si Saulus wo iwalina mangé a sé ruru'du'an i Yesus. Isisilna ai séra tambisa si Saulus suméré si Yesus an uner im bawayaan wo tambisa si Casuruan mapaar wo sia wo ka'i tambisa sia ra'ica maindé' masusui a sé tou keli an Damsyik andumoro' i Yesus.

Kisah Para Rasul 9:28

Si Saulus mento' mewali-wali wo iséra an Yerusalem. Am bitu sia masusui in andumoro' i Apo' Yesus karapi in da'ica wana kaindé'an.

1 Korintus 1:27

Si Amang Kasuruan tumutu' sumisir tou sé paweroten ing kayo'baan tou bodok, e mapalawi' sé tou paweroten ing kayo'baan tou awéan kapinteran. Wo sinisir-Na ka'i sé tou paweroten ing kayo'baan tou ra'ica wana kakawasaan e mapalawi' sé tou sé paweroten ing kayo'baan tou makaanu ing kakawasaan.

1 Korintus 14:25

Sé pakaenepna an untep in aténa kaséréan oka sa, akar iko'kosna en owakna wo kumundu maapo' a si Amang Kasuruan wo kumua, “Ulit! Si Amang Kasuruan an uner iow.”

2 Korintus 3:12

Ampa'paan kami makaanu in arapan tanu siitu, kami ra'ica maindé' en tumindak.