Kisah Para Rasul 4:1 - En Taar Weru a nunuwu' é Tontemboan

¹ An tutuw i Petrus wo si Yohanes maroma' a sé tou keli wo mai sé imam, si capala mengatéir im Balé Le'nas wo sé tou Saduki.

Kisah Para Rasul 4:1 ပူးပေါင်းရင်းမြစ်များ

Matius 16:12

An tutuw itu kaangéano éra sapaoka em peangé-angén i Yesus ra'ica maténga-téngam andumoro' i ragi roti itu, taan maténga-téngam andumoro' in sususuien é tou Farisi wo Saduki.

Matius 22:16

Iru'du' éra sé murit éra wo piraan tou sé makiit si colano Herodes mangé a si Yesus e mamuéi ai Sia, “Guru, kailekan ami si Guru ra'ica matowo, wo masusui sé tou ang karapi i makakii-kiit andumoro' ing kasalé'an i Amang Kasuruan. Wo si Guru ra'ica maindé' a si séike' mangé ampa'paan si Guru ra'- ica masisir in tou.

Matius 27:20

Taan émaan é kikiiten é imam wo sé matu'a é tou Yahudi wosama' sé tou keli meesa mangilek a si Pilatus wosama' iwekarna si Barabas wo si Yesus ukumen patén.

Matius 27:41

Taniitu ka'i sé kikiiten é imam, sé makailek wutul in Torat wo sé matu'a é tou Yahudi maséro' Sia. Icua éra,

Matius 3:7

An tutuw itu ka'i kelian tou Farisi wo Saduki mai a si Yohanes e mekibaptis. Taan aicuanake' ai séra, “Éi kamu tou léwo' kamu meputé wo si ula' rumacu-racung! Paweroten iow réén kamu ro'na icawekar an ukuman si maai sa?

Lukas 20:1

Asi sangando, an tutuw i Yesus masusui a sé tou keli wo makua in Abar Kaaruien am Balé Le'nas, wo mai am bitu sé kikiiten é imam, sé makailek wutul in Torat wo sé matu'a é tou Yahudi.

Lukas 22:4

Wo si Yudas mangé a sé kikiiten é imam wo sé kikiiten matéir im Balé Le'nas e meroma' wo iséra tumambisa sia sumarakan si Yesus ai séra.

Yohanes 15:20

Ta'néieno mangé sapa sé aicua-Kuo ai camu: Si esa ata ra'ica lumébémai wo si tuangna. Sa séra imokoio Yaku, séra ka'i mokoi oka icamu. Sa émaan éra en taar-Ku, émaan éra oka ka'i sé aicua miow.

Yohanes 18:3

Wo si Yudas mai an tampa itu ang karapi é sangareru' suraro wo sé mengatéir im Balé Le'nas sé airu'du é kikiiten é imam wo sé tou Farisi. Séra mai maali-ali in lantérna, obor wo lulutaw.

Kisah Para Rasul 4:6

An sidang itu, lumili ka'i mai si imam wangko' Hanas wo si Kayafas, si Yohanes wo si Aleksander wo sé tou walina sé icauntep an taranak é imam wangko'.

Kisah Para Rasul 5:17

Asi témpo itu, si imam wangko' wo sé tou Saduki sé makii-kiit isia, manganat keli a sé ruru'du'an wo tindaken éra.

Kisah Para Rasul 5:24

Kelinga in itu, si capala matéir im Balé Le'nas wo sé kikiiten é imam mabingo-bingo oka andumoro' in itu wo séra membum-buéian wo maindé' sapa wona' e mamuali sa.

Kisah Para Rasul 5:26

Kelinga in itu, si capala matéir im Balé Le'nas wo sé tou ipawali-walina mangé am Balé Le'nas wo mindo sé ruru'du'an itu ang karapi in sama' ampa'paan icaindé' éra oréoka séra wangkilen é tou keli im batu.

Kisah Para Rasul 6:12

Tanu siituo em pengaémaan éra mengawéé in léwo' a sé tou keli, a sé matu'a, a sé makailek wutul in Torat. Wo tangkaan éra si Stefanus wo wésoon éra sia wo iwali éra mangé a Mahkamah Agama.

Kisah Para Rasul 6:7

En Taar i Amang Kasuruan makaseraro wo sé tou maéman a si Yesus an Yerusalem makaaweso eng kakeli. Kelian sé imam sumarakan in owak éra wo maéman a si Yesus.