Kisah Para Rasul 3:4 - En Taar Weru a nunuwu' é Tontemboan

⁴ Si Petrus wo si Yohanes suméré sia wo icua i Petrus, “Séréno mai kami!”

Kisah Para Rasul 3:4 ပူးပေါင်းရင်းမြစ်များ

Lukas 4:20

Pakabacanai i Yesus si aipatic asi tuus itu wo gulungen-Na eng kitap itu wo iwéé-Na sumawel a si tou matawoi am bitu wo Sia lumukut. Pakasa é tou an untep im balé paapo'an é agama Yahudi itu makatéinteng Sia.

Yohanes 11:40

Icua i Yesus, “Ra'ica réén aicua-Kuo ai co tarépé'? Sa percayanmu, sérénmu oka eng kawangko' ing kawasa i Amang Kasuruan.”

Yohanes 5:6

Sérén i Yesus si tou itu makawé'kél am bitu, wo kailekan-Na en sakit i tou itu uréo keli wo icua i Yesus a si tou itu, “Masalé' réén ko masama'?”

Kisah Para Rasul 10:4

Téintengen i Kornelius si malaékat itu wo ang karapi in indé' icuana, “Awéan sapa réén é Tuang?” Isowat i malaékat itu ai sia, “Pakasa en sombayangmu liningao i Amang Kasuruan wo sé aitawangmu a sé tou lengéi sinéré-Nao wo ko tina'néi-Nao.

Kisah Para Rasul 11:6

Wo kaséréanku an untep ing kaéng itu awéan membam-balinaan binatang: awéan sé makakécéi epat, binatang ra'ica papiaran, binatang maloyon wo sé burung.

Kisah Para Rasul 3:1

Asi sangando tutuw in jam tiga im bawaando, en témpona ipengasombayang é tou Yahudi, si Petrus wo si Yohanes mangé am Balé Le'nas.

Kisah Para Rasul 3:11

Si tou késo' si masama'o itu mengii-ngiit oka a si Petrus wo si Yohanes. Wo an tutuw éra in telu cateka' mangé an lésar si pengatuulen ‘Lésar i Salomo’ wo mai sé tou keli sé mangaya-ngaya'ka' itu mali'us ai séra.

Kisah Para Rasul 3:12

Keséré i Petrus sé tou keli itu wo icuana ai séra, “É tou Israel, kéitu réén kamu mangaya-ngaya'ka' andumoro' ing kamamualian itu? Wo kéitu réén kamu menéinte-néinteng in taniitu ai cami? Paweroten iow réén si tou anio' ro'na maya' ampa'paan ing kawasa ami in esa kuma'pa ampa'paan ing kale'tekkan ami a si Amang Kasuruan?

Kisah Para Rasul 3:3

Asi témpo itu sérénna si Petrus wo si Yohanes mauntepo im Balé Le'nas wo sia mangilek roit ai séra.

Kisah Para Rasul 3:5

Wo si tou itu tuméinteng ai séra wo maara-arap e ro'na makéré sapa-sapake' ai séra.