Kisah Para Rasul 3:26 - En Taar Weru a nunuwu' é Tontemboan

²⁶ Ampa'paan in ituo, si Amang Kasuruan isumisiro si Ata-Na wo yutus-Na kataré-taré ai camu wosama' Sia kumamang icamu, en lalanna tawangen-Na kamu si esa wo si esa en tumela'u ing kaléwo-léwo'an.”

Kisah Para Rasul 3:26 ပူးပေါင်းရင်းမြစ်များ

Matius 1:21

Sia makéré oka esa toyaang tuama wo ngarananmu si toyaang itu ‘Yesus’, ampa'paan Sia oka en lumowir sé tou-Na ang kamesé-meséaan éra.”

Matius 15:24

Isowat i Yesus, “Yaku ayutus asaloke' a sé domba sé icatala asé tou Israel.”

Lukas 24:47

Wo aipatic ka'i sapaoka en abar anio' musti sisil angé maké ing kawasa i ngaran-Na a sé pakasa im bangsa tumo'tol an Yerusalem akar am pakasa ing kayo'baan: Si séike' e mape'dis ang kamesé-meséaan ampungan oka i Amang Kasuruan.

Yohanes 4:22

Kamu tou Samaria, kamu mengaapo' a si Amang Kasuruan taan ra'ipé' katuusan iow wutu-wutul si séi Sia, taan kami tou Yahudi mengaapo' a si Amang Kasuruan si wutu-wutul katuusano ami si séi Sia. Ampa'paan aijanjio i Amang Kasuruan sapaoka an uner ami tou Yahudi awéan esa Tou si lumowir oka pakasa in tou.

Kisah Para Rasul 1:8

Taan an tutuw i Roh Le'nas tumumpa mai ai camu, kamu makéré oka kawasa. Wo kamu mamuali oka sairi andumoro' Yaku an Yerusalem, am pakasa in Yudea wo an Samaria wo akar an tempok ing kayo'baan.”

Kisah Para Rasul 13:26

Poo-poowku sé icauntep an taranak i Abraham wo ka'i sé tou ra'ica Yahudi sé maapo' a si Amang Kasuruan! En abar ing kalowiran itu aicuao ai cita im baya.

Kisah Para Rasul 2:24

Taan Sia tinou sumawel i Amang Kasuruan wo iwekar-Na asi kawenduan im papaté ampa'paan em papaté ra'ica makawoo kumawasa Sia.

Kisah Para Rasul 2:32

Si Yesus anioo si tinou sumawel i Amang Kasuruan. Wo icamio im baya e mamuali sairi andumoro' in itu.

Kisah Para Rasul 26:20

Wo icuaku waya en itu kataré-taré a sé tou Yahudi an Damsyik, an Yerusalem wo am pakasa in tampa an tana' Yudea wo ka'i a sé tou ra'ica Yahudi. Icuaku ai séra, sapaoka musti mape'dis ang kamesé-meséaan wo maémano mangé a si Amang Kasuruan wo menonou makiit ing kasalé'an-Na tanu tuus sa séra imape'diso.

Kisah Para Rasul 3:13

Si Amang Kasuruan si pengaapo'an é apo-apo'ta Abraham, Ishak wo si Yakub, Siao e méma' si Yesus ata-Na itu iparayo-rayo wo pasiri-siriin. Si Yesus ituo si aisarakan iow wo aicélong iow an dior i Pilatus em patén, mandé ka'i si Pilatus e musé'o e mekar woo Sia.

Kisah Para Rasul 3:15

Sia si Le'nas itu palemboian ing katouanta pinatéo miow taan Sia tinou sumawel i Amang Kasuruan an uner é tou imaté. Kamio e mamuali sairi sapaoka Sia tumou sumawel.

Kisah Para Rasul 3:20

Wo in taniitu émaan-Na oka eng katouan iow arui wo yutus-Na si Yesus ai camu si indior aitantu-Nao mamuali Mesias iow.

Kisah Para Rasul 3:22

Si Musa sumangkumo icumua in tana'i, ‘Angkaien oka i Amang Kasuruan esa Nabi ai camu owo, si esaan angé asé poo-poowta tou Israel tanu Sia imangkai yaku mamuali nabi. Lingano waya sapake' en icua-Na ai camu.

Kisah Para Rasul 3:25

Airior érao ing kumua a sé apo-apo' miow en janji i Amang Kasuruan en andumoro' i Mesias. Wo kamu im baya makéré oka bagéan an janji itu. Indior aicua-Nao a si Abraham in tana'i, ‘Asi taranakmu oka, pakasa sé bangsa ang kayo'baan kamangen oka.’

Roma 1:16

Yaku ra'ica malawi' mengakua in Abar Kaaruien andumoro' i Yesus Kristus itu, ampa'paan en Abar itu awéan kaketeran i Amang Kasuruan en lumowir im pakasa sé tou maéman; kataré-taré sé tou Yahudi wo ka'i sé tou walina.

Roma 15:29

Kailekanku, sa aku mangé meta'up ang karapi miow, tantu paalianku oka mangé ai camu keli kamang i Kristus.

Roma 15:8

Ta'néiku ai camu sapaoka si Kristus imayo ang kayo'baan en sumelewir a sé tou Yahudi en tumuru' sapaoka uli-ulit émaan i Amang Kasuruan sé aijanji-Na a sé apo-apo'ta.

Efesus 1:3

Irayoo mangé si Amang Kasuruan, Amang i Apo'ta Yesus Kristus! Si Amang Kasuruan itumambéro mai ai cita pakasa ing kamang sé an sorga owo, ampa'paan kita meesao wo si Kristus.

1 Petrus 1:3

Irayoo mangé si Amang Kasuruan! Sia itu Amang i Apo'ta Yesus Kristus. Irayota Sia ampa'paan taloso wangko' eng kaupusan-Na ai cita akar kita imakéréo ing katouan weru, si katouan wuta im paarapen. Kita ro'na makéré ing katouan weru itu ampa'paan indior si Yesus Kristus itumouo sumawel am papaté.

1 Petrus 3:9

Wo tioo sé léwo' suliin iow in léwo', kuma'pa ipawa'ba' é tou suliin iow ka'i i mengawa'ba'. Mekiupuso mangé a si Amang Kasuruan wosama' séra wéan-Na mai ing kamang, ampa'paan kamu tinowa i Amang Kasuruan e méé ing kamang a sé tou walina wo in taniitu kamu ka'i makéré ing kamang.

Yudas 1:24

Si Amang Kasuruanke' si makakawasa en tuméir icamu wosama' kamu ra'ica icasu'su'. Siao e makawoo maali icamu sé ra'ica wana kaséaan a si tampa-Na si parayo-rayo wo pasiri-siriin, wo am bitu oka kamu masalé-salé'.