Kisah Para Rasul 3:24 - En Taar Weru a nunuwu' é Tontemboan

²⁴ Ra'ica si Musake' en icumua andumoro' Sia, pakasa é nabi tumo'tolai asi Samuel akar a sé nabi walina kekawus i Samuel, séra icumuao i nunuwu' i Amang Kasuruan andumoro' in jaman anio'.

Kisah Para Rasul 3:24 ပူးပေါင်းရင်းမြစ်များ

Lukas 24:27

Wo isisil-Na waya ai séra in dua sapa sé aipatic am pakasa ing Kitap Le'nas andumoro' in owak-Na, tumo'tolai ang kitap-kitap aipatic i Musa akar ang kitap-kitap aipatic é nabi walina.

Kisah Para Rasul 13:20

Pakasa en itu mamuali epat ngaatus lima ngapulu' ngata'un eng kauréna. Kekawus in itu, Sia sumisir akim-akim e makawali sé apo-apo'ta akar in jaman i nabi Samuel.

Kisah Para Rasul 17:3

Ipaterangkanna wo pawéanna tuus ai séra sapaoka si Mesias musti meta'up in okoi akar maté wo tumou sumawel an unér é tou imatéo. Icuana ka'i ai séra, “Si anioo si Yesus si aicuaku ai camu, Siao si Mesias.”

Kisah Para Rasul 26:23

En aicua éra sapaoka si Mesias musti mamuléng ing keli kawenduan wo maté, taan Siao eng kataré-taré tumou sumawel. Sia oka ka'i e maali mai in sendot ing kalowiran a sé tou Yahudi wo ka'i a sé tou ra'ica Yahudi.”

Kisah Para Rasul 3:19

Ampa'paano in itu, itela'uo mio' eng kaléwo-léwo'an sé pengaémaan iow wo mape'diso mangé wosama' eng kamesé-meséaan iow ampungan i Amang Kasuruan.

Kisah Para Rasul 3:21

Sia itu musti mento' an sorga akar mai en témpona si Amang Kasuruan méma' im pakasa mamuali weru. Pakasa en itu aicua-Nao indioré' owo, imaké sé nabi sé sinisir-Na.

Roma 3:21

Taan intarépé', aituru'o i Amang Kasuruan tumambisa wosama' sé tou anggapen-Na wutul, taan ra'ica ampa'paan mengaéma' in ukum Torat. En itu tanu in aipatic ang Kitap Torat wo ang kitap-kitap é nabi,