Kisah Para Rasul 3:19 - En Taar Weru a nunuwu' é Tontemboan

¹⁹ Ampa'paano in itu, itela'uo mio' eng kaléwo-léwo'an sé pengaémaan iow wo mape'diso mangé wosama' eng kamesé-meséaan iow ampungan i Amang Kasuruan.

Kisah Para Rasul 3:19 ပူးပေါင်းရင်းမြစ်များ

Matius 13:15

Ampa'paan en até i bangsa anio' kumetéo, en lunteng éra imawengelo, wo em beren aicili'o wutul wosama' em beren éra ra'ica suméré, wo en lunteng éra ra'ica luminga wo en até éra ra'ica makailek, wosama' séra ra'ica maréng sumawel en samaan-Ku.’

Matius 18:3

Wo icua-Na ai séra, “En ulitna icua-Ku mangé ai camu, sa kamu masalé' muntep ang Kakolanoan in Sorga, kamu musti mape'dis wo robano mangé em peri miow meputé im peri i toyaang teké' anio'.

Lukas 1:16

Kelian sé tou Israel akinenna oka e maréng sumawel maéman a si Amang Kasuruan, si Casuruan éra.

Lukas 22:57

Taan si Petrus sumangkalke', icuana, “Ra'ica, ra'ica katuusanku Sia, é inang!”

Kisah Para Rasul 1:6

Asi makasa si Yesus wo sé ruru'du'an-Na mali'us. Wo wuéien é ruru'du'an itu ai Sia, “Tuang, asi oras anio' icasalé' réén émaan i Tuang eng kakolanoan Israel maloor sumawel tanu indior?”

Kisah Para Rasul 11:18

Kelinga in itu, sé tou Yahudi sé maémano a si Yesus ra'io ka'i tumantang si Petrus. Wo séra rumayo si Amang Kasuruan wo kumua, “Anaé, sé tou ra'ica Yahudi ka'i tinambérano mai i Amang Kasuruan kamang e mape'dis wo makéré ing katouan akar ing kauré-uré.”

Kisah Para Rasul 11:21

Wo eng kawasa i Casuruan mewali-wali wo iséra akar kelian tou ra'ica Yahudi maéman a si Yesus wo mape'dis.

Kisah Para Rasul 15:3

Wo séra iwali é tou maéman an Antiokhia akar ang kesot ing kota. Séra lumala'us im bawayaan lumangkoi im Fenisia wo in Samaria. An sangkum itu, ipakua éra ka'i sapaoka sé tou ra'ica Yahudi an tampa walina mape'diso wo maémano a si Yesus. En abar itu méé kaaruian a sé tou maéman am bitu.

Kisah Para Rasul 17:26

Asi esa touke' niéma'-Nao waya sé bangsa mento' ang kayo'baan. Wo aitantu-Na waya en témpo wo ka'i en supu-supu im paento'an éra.

Kisah Para Rasul 2:38

Isowat i Petrus ai séra, “Mape'diso wo terimano em baptisan a ngaran i Yesus Kristus wosama' eng kamesé-meséaan iow ampungan oka. Wo in taniitu teriman oka miow en tatambér-Na, siituo si Roh Le'nas.

Kisah Para Rasul 28:27

Ampa'paan en até i bangsa anio' kumetéo, en lunteng éra imawengelo wo em beren éra aicili'o wutul, wosama' em beren éra ra'ica suméré wo en lunteng éra ra'ica luminga, wo ka'i en até éra ra'ica makailek, wosama' séra ra'ica maréng sumawel en samaan-Ku.’ ”

Kisah Para Rasul 3:20

Wo in taniitu émaan-Na oka eng katouan iow arui wo yutus-Na si Yesus ai camu si indior aitantu-Nao mamuali Mesias iow.

Kisah Para Rasul 3:21

Sia itu musti mento' an sorga akar mai en témpona si Amang Kasuruan méma' im pakasa mamuali weru. Pakasa en itu aicua-Nao indioré' owo, imaké sé nabi sé sinisir-Na.

Roma 11:25

Poo-poow esa paémanen, icuaku ai camu sé icaenepé' wosama' kamu ra'ica matirayo. Si anioo em pawasan i Amang Kasuruan sé icaenepé' itu: Kelian sé tou Israel imamualio keté ro'kos taan séra mamuali taniitu ra'ica akar ing kauré-uré, taan akarke' i malekep eng kakelina é tou ra'ica Israel sé maéman a si Kristus sé aitantuo i Amang Kasuruan.

2 Tesalonika 1:10

Pakasa en itu mamuali oka an tutuw i Apo' Yesus imayo sumawel. Sia maai oka wo irayo é tou le'nas-Na wo siriin waya é tou maéman. Kamu ka'i icauntep ai séra ampa'paan kamu maémano in abar si aicuao ami.

2 Tesalonika 1:7

Émaan-Na oka ka'i kamu wo icami cawekar an okoi wo ang kawenduan an tutuw si Apo' Yesus tumumpa mai a mangé en sorga owo. En itu mamuali an tutuw i Apo' Yesus mapaturu' in owak-Na mewali-wali wo sé malaékat-Na si wuta ing kawasa.

2 Timotius 2:25

Sia musti masusui ang karapi ing ko'kos en até a sé tou sé mengasundur in sususuien wutul. Sia musti mengaéma' in taniitu ampa'paan sa si Casuruan méé mai témpo ai séra, séra ro'na mape'dis akar séra ro'na makailek in sususuien wutul itu.

Ibrani 4:1

Aijanji i Amang Kasuruan sapaoka sé tou maéman muntep oka an tampa pengaenaan e mena' mewali-wali wo Sia. Wo en janji itu awéané' akar intarépé'. Ampa'paan in ituo mareti-retio mangé oréoka awéan esaan ai camu ra'ica muntep asi tampa pengaenaan itu.

1 Petrus 2:25

Ampa'paan kamu indior tanuoka sé domba icasélé'kowo, taan intarépé' kamu imaréngo mai asi gembala si matéir i mu'kur iow.

2 Petrus 3:8

Taan é poo-poow sé icaupusku, awéan esa si musti pena'né-na'néien iow sapaoka am beren i Amang Kasuruan sangando meputé in sangariwu ngata'un, kuma'pa sangariwu ngata'un meputé wo en sangando.

Wahyu 21:4

Wo pisin-Na oka waya en dano im beren éra, wo ra'io wana ka'i em papaté. Ra'io wana ka'i e mala'lu kuma'pa e maamé' kuma'pa eng kawenduan, ampa'paan am baya-waya sé uré itu lumangkoio.”