Kisah Para Rasul 3:14 - En Taar Weru a nunuwu' é Tontemboan

¹⁴ Taan aicélongo miow Sia si Le'nas wo si mengaéma' im butul. Wo pinangilek iowke' si mengapaté tou si wekar.

Kisah Para Rasul 3:14 ပူးပေါင်းရင်းမြစ်များ

Matius 27:20

Taan émaan é kikiiten é imam wo sé matu'a é tou Yahudi wosama' sé tou keli meesa mangilek a si Pilatus wosama' iwekarna si Barabas wo si Yesus ukumen patén.

Markus 1:24

“Yesus tou Nazaret! Sapa en urusan-Mu wo icami? Mai-Mu réén patén kami? Kailekanku si séi-Ko, Icoo si Le'nas asi Amang Kasuruan owo.”

Markus 15:11

Taan sé kikiiten é imam memaso-maso' sé tou keli e mangilek a si Pilatus wosama' iwekarna si Barabas torona éra.

Markus 15:7

Wo asi témpo itu, awéan si esa tou, makangaran Barabas. Sia ayuntep am bui mewali-wali wo sé tou walina, ampa'paan séra imaté tou an tutuw éra isumundur sé pemerénta Romawi.

Lukas 1:35

Isowat i malaékat itu ai sia, “E Roh Le'nas maai oka ai co wo eng kawasa i Amang Kasuruan Si Rumangka-rangka' maai lumoindong oka ico. Ampa'paano in itu si toyaang tumou ai ico itu sa, Le'nas wo pengatuulen oka Toyaang i Amang Kasuruan.

Lukas 23:25

An tutuw itu si Barabas an untep im bui ampa'paan masundur sé pemerénta wo ka'i maté tou, anaé sia iwekar i Pilatus iciit in aituntut éra. Taan si Yesus aisarakanna a sé tou keli wosama' okoien éra kiit ing kasalé'an éra.

Yohanes 16:10

Karua, ituru'-Na oka ai séra sapaoka Yakuo si wutul, ampa'paan Aku maangé oka a si Amang, wo Yaku ka'i ra'io kaséréan iow.

Yohanes 18:40

Wo ayangko' érake', “Tioo si Tou itu! Iwekaro si Barabas!” Si Barabas itu tou mengarampok.

Kisah Para Rasul 13:28

Mandé ka'i ra'ica kinéréan éra en alasan e mukum Sia ang karapi in ukumen patén, pangileken éra a si Pilatus wosama' Sia patén.

Kisah Para Rasul 2:27

Ampa'paan ra'ica iwaya i Casuruan aku mento' melala'us ang kakawasaan im papaté, wo ra'ica iwaya i Casuruan en owak i Tou-Na Le'nas mawuruk an untep ing kubur.

Kisah Para Rasul 22:14

Wo icua i Ananias a yaku tana'i, ‘Ico, aitantuo i Amang Kasuruan si paapo'an é apo-apo'ta, wosama' ro'na kailekanmu eng kasalé'an-Na wo ka'i suméré si Yesus Si Wutul itu wo ka'i luminga in suara si lumembo am ba'ba'-Na.

Kisah Para Rasul 4:27

En aicua i Daud wutul imamualio ang kota anio'. Ampa'paan si Herodes, si Pontius Pilatus, sé tou ra'ica Yahudi, wo sé tou Israel imali'uso en sumundur si Yesus, si Ata Le'nas i Casuruan, Siao si Mesias.

Kisah Para Rasul 5:28

“Repeto eng kepéro ami ai camu wosama' kamu ra'io toro masusui andumoro' i Tou itu. Taan aiseraro miow en sususuien am pakasa in tampa an Yerusalem. Wo ka'i tinudu miow sapaoka, ampa'paano icami si Tou itu maté.”

Kisah Para Rasul 7:52

Icuao mai, si séi sé nabi ra'ica niokoi é apo-apo' miow? Taan taré pinaté érake' sé nabi sé riorai mengakua andumoro' si Tou Wutul mai, wo intarépé' Sia kinianato wo pinatéo miow.

2 Korintus 5:21

Si Kristus ra'ica wana kamesé-meséaan, taan niéma' i Amang Kasuruan si Kristus e muléng ing kamesé-meséaanta, wosama' icita mamuali tou wutul an dior i Amang Kasuruan ampa'paan i Kristus.

Yakobus 5:6

Kamu mukumo wo matéo sé tou nianggap wutul i Amang Kasuruan, wo ra'ica kawooan éra sumundur icamu.

1 Petrus 3:18

Ampa'paan si Kristus imatéo wayake' imakasa en tumu'bus ing kamesé-meséaanta. Sia ra'ica wana kaséaan, taan Sia imaté torona icita sé mengéma-ngéma' ing kamesé-meséaan, wosama' kita ro'na ipakawali-Na mangé a si Amang Kasuruan. Sia pinaté an tutuw-Na imamuali Tou, taan Sia tinou sumawel i Roh Le'nas.

1 Yohanes 2:1

Toya-toyaang sé icaupusku! Ipaticku andumoro' sé anio' ai camu wosama' kamu tioo mengaéma' ing kamesé-meséaan. Taan sa awéan tou mengaéma' ing kamesé-meséaan, sia awéan e makawali en tumawang sia an dior i Amang. Siao si Yesus Kristus si ra'ica marapit.

Wahyu 3:7

“Ipatico mio' a si malaékat si mengatéir in jamaat an Filadelfia. Si anioo en taar Si Le'nas, Si Wutul, Si makakulu ing kukusi' i Daud. Sa em papalen winukaan-Nao, ra'ica wana e ro'na malen. Wo sa kinusi'an-Nao, ra'ica wana e ro'na muka'.