Kisah Para Rasul 3:13 - En Taar Weru a nunuwu' é Tontemboan

¹³ Si Amang Kasuruan si pengaapo'an é apo-apo'ta Abraham, Ishak wo si Yakub, Siao e méma' si Yesus ata-Na itu iparayo-rayo wo pasiri-siriin. Si Yesus ituo si aisarakan iow wo aicélong iow an dior i Pilatus em patén, mandé ka'i si Pilatus e musé'o e mekar woo Sia.

Kisah Para Rasul 3:13 ပူးပေါင်းရင်းမြစ်များ

Matius 11:27

Wo icua i Yesus, “Pakasa aisarakano i Amang-Ku a Yaku. Ra'ica wana mandé esake' tou e makatuus si Toyaang, aluar si Amang in esa. Wo ka'i ra'ica wana mandé esake' tou e makatuus si Amang, aluar si Toyaang wo sé tou si papatuus-Ku oka a si Amang.

Matius 20:19

Isarakan éra oka Sia a sé bangsa ra'- ica Yahudi wosama' Sia para'i-ra'ien, samboken wo isalip éra. Taan asi endo katelu Sia touen oka sumawel.”

Matius 22:32

‘Yakuo si Amang Kasuruan si pengaapo'an i Abraham, i Ishak wo si Yakub.’ An tutuw i Amang Kasuruan icumua in itu, si Abraham, Ishak wo si Yakub imatéo, taan séra kasake' menonou mewali-wali wo Sia. Anaé, si Amang Kasuruan itu ra'ica Kasuruan é tou imatéo, taan Kasuruan é tou menonou.”

Matius 27:2

Wa'kesen éra Sia wo iwali éra mangé en isarakan a si Pilatus, si gubernur am bitu.

Matius 28:18

Susuten i Yesus séra wo icua-Na “Tinerima-Kuo waya eng kawasa an sorga wo ang kayo'baan.

Markus 15:11

Taan sé kikiiten é imam memaso-maso' sé tou keli e mangilek a si Pilatus wosama' iwekarna si Barabas torona éra.

Lukas 22:57

Taan si Petrus sumangkalke', icuana, “Ra'ica, ra'ica katuusanku Sia, é inang!”

Lukas 23:4

Wo icua i Pilatus a sé kikiiten é imam wo a sé tou keli am bitu, “Ra'ica kinéréanku eng kaséaan i Tou anio' mandé esake'.”

Lukas 6:37

“Tioo kamu mengaakim sé tou walina wosama' kamu ra'- ica akimen. Wo tioo kamu mengaukum sé tou walina, wosama' kamu ra'ica ukumen i Amang Kasuruan. Wéanio' kaampungan a sé tou walina wosama' kamu ampungan i Amang Kasuruan.

Yohanes 12:16

An tutuw i Yesus muntep an Yerusalem makalukut am bawo i celedai wo'bas, sé murit-Na ra'ipé' makailek ing kaangéan im pakasa eng kamamualian itu. Taan kekawus i Yesus tinou sumawel am papaté wo iparayo-rayo wo pasiri-siriin, kata'néiano éra pakasa sé imamualio a si Yesus itu wo kinailekano éra e nats itu aipatico ang Kitap Le'nas.

Yohanes 18:40

Wo ayangko' érake', “Tioo si Tou itu! Iwekaro si Barabas!” Si Barabas itu tou mengarampok.

Yohanes 19:11

Isowat i Yesus, “Ico ra'ica makaanu kawasa sapa-sapa a Yaku sa eng kawasa itu ra'ica aiwéé mai ai co an dangka' owo. Ampa'paan in itu si tou sumarakan Yaku ai co, eng kamesé-meséaanna lébé uter wo eng kamesé-meséaanmu.”

Yohanes 19:12

Kekawus i Pilatus luminga en aicua i Yesus itu, wo sia rumaméji maéré-éré lalan tumambisa e mekar si Yesus. Taan icua é tou Yahudi itu ang karapi in taangko', “Sa iwekar i tuang si Tou anio', si tuang ra'io ka'i kara-karapi i Kaisar. Wo si séike' si mawerot in owakna kolano, sia isumunduro si Kaisar.”

Yohanes 19:15

Wo séra mengangko-ngangko' wo makua, “Paténo Sia! Paténo Sia! Salipo Sia!” Wo icua i Pilatus ai séra, “Musti réén isalipku si colano miow?” Isowat é kikiiten é imam, “Si colano ami wayake' si Kaisar!”

Yohanes 7:39

An tutuw i Yesus kumua andumoro' in dano itu, eng kaangéanna e Roh i Amang Kasuruan teriman oka é tou maéman. Taan e Roh itu ra'ipé' aiwéé a sé tou maéman, ampa'paan em papaté ra'ipé' pinendam i Yesus wo ra'ipé' niangkai angé an tampa-Na si parayo-rayo wo pasiri-siriin an sorga.

Kisah Para Rasul 22:14

Wo icua i Ananias a yaku tana'i, ‘Ico, aitantuo i Amang Kasuruan si paapo'an é apo-apo'ta, wosama' ro'na kailekanmu eng kasalé'an-Na wo ka'i suméré si Yesus Si Wutul itu wo ka'i luminga in suara si lumembo am ba'ba'-Na.

Kisah Para Rasul 24:14

Taan an dior i tuang, pangakunku sapaoka yaku maapo' a si Amang Kasuruan si paapo'an é apo-apo' ami ang karapi i makiit in sususuien i Yesus Kristus. En sususuien itu pengatuulen éra sususuien imasélé'kow. Percayanku ka'i waya sé aipatic an ukum Torat wo sé ang kitap é nabi.

Kisah Para Rasul 3:12

Keséré i Petrus sé tou keli itu wo icuana ai séra, “É tou Israel, kéitu réén kamu mangaya-ngaya'ka' andumoro' ing kamamualian itu? Wo kéitu réén kamu menéinte-néinteng in taniitu ai cami? Paweroten iow réén si tou anio' ro'na maya' ampa'paan ing kawasa ami in esa kuma'pa ampa'paan ing kale'tekkan ami a si Amang Kasuruan?

Kisah Para Rasul 3:26

Ampa'paan in ituo, si Amang Kasuruan isumisiro si Ata-Na wo yutus-Na kataré-taré ai camu wosama' Sia kumamang icamu, en lalanna tawangen-Na kamu si esa wo si esa en tumela'u ing kaléwo-léwo'an.”

Kisah Para Rasul 4:27

En aicua i Daud wutul imamualio ang kota anio'. Ampa'paan si Herodes, si Pontius Pilatus, sé tou ra'ica Yahudi, wo sé tou Israel imali'uso en sumundur si Yesus, si Ata Le'nas i Casuruan, Siao si Mesias.

Kisah Para Rasul 4:30

O Kasuruan wéanai kawasa kami wosama' kami ro'na sumama' sé tou wo ro'na méma' ing kakaya'kaan wo tuu-tuus walina ang karapi i ngaran i Yesus si Ata-Mu le'nas.”

Kisah Para Rasul 7:32

‘Yakuo si Amang Kasuruan si pengaapo'an é apo-apo'mu Abraham, Ishak wo si Yakub.’ An tutuw i luminga in suara itu, si Musa gume'ger in indé' wo ra'io brani suméré.

Roma 9:5

Séra itu taranak é apo-apo' é tou Israel. Si Kristus ka'i taranak éra, sa iciit in owak. Siao si Amang Kasuruan si makakawasa am baya-waya, wo iparayo-rayo akar ing kauré-uré. Ulit!

Ibrani 2:9

Taan kailekanta sapaoka en itu linekepo i Yesus. Ampa'paan Sia niéma'o wawa' toyo' asé malaékat asi témpo ra'ica talos uré, tutuw Sia imamuali tou. Ampa'paan in upus aitambér i Amang Kasuruan, si Yesus mamuali taniitu torona pakasa in tou. Taan intarépé' niéma'o i Amang Kasuruan Sia Kolano iparayo-rayo wo pasiri-siriin an dangka' im baya-waya ampa'paan Sia isumangkumo mai ing kawenduan akar imaté.

Wahyu 1:18

wo Si Menonou. Yaku si matéo, taan intarépé' séréno Aku menonou, wo Aku menonou akar ing kauré-uré. Pakakulun-Ku eng kukusi' im papaté wo eng kakolanoan im papaté.

Wahyu 1:5

Wo en upus aitambér wo eng kaeluran itu ka'i mai asi Yesus Kristus owo. Siao en sairi le'tek, wo eng kataré-taré itumou sumawel an uner é tou imaté, wo ka'i e makakawasa a sé kolano asi cayo'baan anio'. Sia mengaupus icita, wo mekar ing kamesé-meséaanta ang karapi in enda'-Na.