Kisah Para Rasul 3:1 - En Taar Weru a nunuwu' é Tontemboan

¹ Asi sangando tutuw in jam tiga im bawaando, en témpona ipengasombayang é tou Yahudi, si Petrus wo si Yohanes mangé am Balé Le'nas.

Kisah Para Rasul 3:1 ပူးပေါင်းရင်းမြစ်များ

Matius 17:1

Wo kelangkoi angé in enem ngando, iwali i Yesus si Petrus wo sé rua metuari si Yakobus wo si Yohanes sumosor am puruk in esa kuntung rangka'. Am bitu waya iséra in telu ang karapi i Yesus.

Matius 26:37

Wo iwali i Yesus si Petrus wo sé rua toyaang i Zebedeus kumiit ang karapi-Na. Sia tumo'tolo mapendam im bendu wo ra'io makaaté in sama'.

Matius 27:45

Tumo'tol asi jam duabelas, pakasa in sangkum in tampa itu mariréimbeng akar asi jam tiga im bawaando.

Lukas 1:10

Ang karoro'an i Zakharia matunu ing kamenyan, sé tou keli ang kesot ka'i masombayang.

Lukas 18:10

“Awéan rua tou mangé am Balé Le'nas en sumombayang. Si esa, tou Farisi wo si esa matagi im pajak.

Lukas 22:8

Wo iru'du' i Yesus si Petrus wo si Yohanes, icua-Na, “Mangém kamu wo itu'tulo mio' kakanen eng kanenta mewali-wali am perjamuan Paska anio'.”

Lukas 24:53

Susur in endo séra mengaangé am Balé Le'nas e rumayo wo sumiri' si Amang Kasuruan.

Yohanes 21:7

Wo si murit si caupus i Yesus, kumua a si Petrus, “Siao si Tuang!” Kelinga i Petrus Sia itu si Tuang, sia kumarai ampa'paan sia meke'da', wo sia lumo'tic kuméngkéng angé an tembir in lour.

Kisah Para Rasul 10:3

Asi makasa, wona' jam tiga im bawaando an oras i masombayang, si Kornelius pinapaturu'an am baléna. Asi témpo itu, kaséréanna wutul si esa malaékat i Amang Kasuruan imai ai sia wo tumowa, “Kornelius!”

Kisah Para Rasul 10:30

Wo isowat i Kornelius, “Asi epat ngando ilumangkoi, wona' asi jam tiga im bawaando tanu si oras anio', yaku masombayang am balé. Tumarépé'anke'mai awéan esa tou makatulung an diorku, eng karaina menéla-nélap.

Kisah Para Rasul 2:46

Wo susur in endo séra le'tek mewali-wali wo meesa en até mengali'us ang am Balé Le'nas. Séra mengaéma' im perjamuan mewali-wali ang karapi in arui wo lekep en até si pagilir am balé-walé.

Kisah Para Rasul 3:3

Asi témpo itu sérénna si Petrus wo si Yohanes mauntepo im Balé Le'nas wo sia mangilek roit ai séra.

Kisah Para Rasul 3:4

Si Petrus wo si Yohanes suméré sia wo icua i Petrus, “Séréno mai kami!”

Kisah Para Rasul 4:13

Wo sé tou isumidang im perkara itu mangaya'ka' an tutuw suméré si Petrus wo si Yohanes brani keli, ampa'paan kailekan éra sapaoka sé rua tou itu tou biasa wo ra'ica sumicola, wo kailekan éra sé rua tou itu makiit si Yesus.

Kisah Para Rasul 5:25

Wo si esa tou mai ai séra wo kumua, “O tuang-tuang, sé tou ayuntep iow am bui, intarépé' ang kintalo im Balé Le'nas. Séra masusui a sé tou keli am bitu.”

Kisah Para Rasul 8:14

Asi témpo itu, sé ruru'du'an an Yerusalem makalinga sa kelian tou an tana' Samaria maémano in Taar i Amang Kasuruan. Wo yutus éra si Petrus wo si Yohanes mangé am bitu.

Galatia 2:9

Si Yakobus, si Kefas, si Yohanes sé nianggap kikiiten kumataré-taré an jamaat an Yerusalem, an tutuw éra isuméré in upus aitambér i Amang Kasuruan a yaku, séra membéan ing kama a yaku wo si Barnabas tanu tuus séra imeesao wo icami. Wo séra wo icami mengkakiitano sapaoka kami melala'us tumawoi torona é tou ra'- ica Yahudi wo séra in telu kasake' tumawoi torona é tou Yahudi.