Kisah Para Rasul 28:4 - En Taar Weru a nunuwu' é Tontemboan

⁴ An tutuw é tou am pulou itu suméré si ula' itu makawérén ang kama i Paulus, séra mengkuanan, “Si tou anio' wutul mengapaté tou. Mandé ka'i sia icawekaro ang kawangkuran an ta'sic, ra'ica iwaya i Dewi Keadilan sia menonou.”

Kisah Para Rasul 28:4 ပူးပေါင်းရင်းမြစ်များ

Matius 23:35

Anaé ukumen oka i Amang Kasuruan kamu ampa'paan kamu wo sé apo-apo' miow indior imaté sé tou sé ra'ica wana kameséaan, tumo'tolai asi Habel tou nianggap wutul itu akar a si Zakharia toyaang i Berekhya. Si Zakharia itu pinaté am Balé Le'nas am paawuun ing Kamar Le'nas wo em pawetaan i raragés.

Matius 27:25

Wo isowat é tou keli itu, “Mandéo icami wo sé toyaang ami e mamuléng andumoro' im papaté i Tou anio'.”

Lukas 13:2

Wo icua i Yesus a sé tou itu, “Pawasan iow réén séra pinaté tanu siitu wo eng kamesé-meséaan éra en lumébémai wo ing kamesé-meséaan é tou Galilea walina?

Lukas 13:4

Kuma'pa, pawasan iow réén sé sangapulu' walu tou imaté rine'baan i menara an Siloam, eng kameséaan éra lumébémai wo eng kameséaan é tou walina sé maento' an Yerusalem?

Yohanes 7:24

Tioo maakim in tou kumiit sapa sé pakasérénke' ang kesot wo sé lininga miow, taan akimeno ang karapi in da'ica marapit.”

Kisah Para Rasul 28:2

Sé tou am bitu sama' keli ai cami. Séra méma' api wangker wo towan éra kami im baya mangé am bitu, ampa'paan asi témpo itu matampelo wo utingo.

Kisah Para Rasul 28:3

Wo si Paulus mangé mangéré panga-pangana rintek en iruruk an api. An tutuwna i rumuruk im panga-pangana itu an api, tumarépé'anke'mai kumesotai ula' rumacu-racung ampa'paan paso' keli wo kumarét ing kama i Paulus.

Kisah Para Rasul 28:5

Taan aipe'peske' i Paulus si ula' itu an api wo si Paulus ra'ica sapa-sapa.

Wahyu 21:8

Taan sé tou toloindé' mengasairi andumoro' i Yesus, sé tou ra'ica maéman, sé tou mengaéma' ing kaléwo-léwo'an sé karican oka mai, sé tou mengapaté tou, sé tou mengasundal, sé tou mengasihir, sé tou mengaapo' a sé opo-opo' wo pakasa sé tou kotowo, séra im baya yuntep oka an untep in ta'sic api walélang si mengembu-ngembung. Si anioo em papaté karua.”