Kisah Para Rasul 28:26 - En Taar Weru a nunuwu' é Tontemboan

²⁶ ‘Mangéo a sé taranak é Israel wo icua ai séra: Pelinga-lingan oka miow, taan ra'ica kaangéan iow. Penéré-nérén oka miow, taan ra'ica kailekan iow.

Kisah Para Rasul 28:26 ပူးပေါင်းရင်းမြစ်များ

Markus 4:12

wosama' sé aipatic ang Kitap Le'nas mamuali, ‘Mandé sinéré éra taan ra'ica kailekan éra sapa en sinéré. Mandé ka'i lininga éra taan ra'ica kinailekan éra sapa en lininga. Ampa'paano séra taniitu, séra ra'ica mape'dis wo ra'ica makéré ing kaampungan.’ ”

Lukas 24:25

Wo icua i Yesus ai séra in dua, “Kamu anio' taloso bodok. Taloso ngenger en até miow e mercaya pakasa sé aicuao é nabi ang Kitap Le'nas.

Lukas 24:45

Wo émaan-Na em pakawerot éra mawuka' akar ro'na kailekan éra sapa sé aipatic ang Kitap Le'nas.

Lukas 8:10

Wo icua-Na, “Kamu intarépé' winéan i Amang Kasuruan kamang tatambér e makailek andumoro' ing Kakolanoan in Sorga. Taan a sé tou walina andumoro' ing Kakolanoan in Sorga itu, icua-Ku maké in andéan wosama', ‘Mandé sinéré éra, taan ra'ica kaangéan éra sapa en sinéré, wo mandé ka'i lininga éra, taan ra'ica kaangéan éra sapa en lininga.’

Kisah Para Rasul 28:25

Anaé, pakasa séra ra'ica esa wewerot andumoro' in itu wo séra mentalicuran asi tampa itu. Taan, ra'ipé' mentalicuran séra, icua ka'i sumawel i Paulus ai séra, “Wutulo en aicua i Roh Le'nas a sé apo-apo'ta si aipatic ang kitap i nabi Yesaya.