Kisah Para Rasul 28:21 - En Taar Weru a nunuwu' é Tontemboan

²¹ Taan icua éra a si Paulus, “Kami ra'ica itumerima surat an Yudea owo si mai icumua andumoro' ing katouanmu. Taniitu ka'i sé karapi ami sé imaréngai an Yerusalem owo, mandé esake' ai séra ra'ica wana en sumisil in léwo' andumoro' ico.

Kisah Para Rasul 28:21 ပူးပေါင်းရင်းမြစ်များ

Kisah Para Rasul 22:5

Sé niéma'ku itu, kailekan i imam wangko' wo sé anggota i Mahkamah Agama, séra oka e méé kasairian ai camu sapaoka en itu wutul. Wo isérao itu ka'i e méé in surat kawasa a yaku em paalin a sé tou Yahudi an Damsyik. Anaé, ang karapi in surat kawasa itu, yaku ro'na tumangka' sé tou makiit in sususuien i Yesus sé an Damsyik. Kekawus in itu iwaliku mangé séra an Yerusalem en ukumen.

Kisah Para Rasul 28:14

Am bitu, kami meta'up wo sé tou maéman a si Yesus wo enoten éra kami mento' ang karapi éra pitu ngando eng kauréna. Kekawus in itu kami suméngkot mangé a Roma.

Kisah Para Rasul 3:17

Poo-poow, kailekanku kamu wo pakasa sé kikiiten iow e maté si Yesus ampa'paan ra'ica kailekan iow sapa e niéma' miow.

Roma 9:3

Séra itu poo-poowku kaputé wo yaku. Yaku in esa tu'tulo ing kutuken i Amang Kasuruan wo ipetané asi Kristus sa en itu ro'na méma' sé tou Israel itu malowir an ukuman ing kamesé-meséaan.